المساعد الشخصي الرقمي

مشاهدة النسخة كاملة : من هم اهل الثنتين ؟؟؟؟؟؟؟؟؟؟؟؟؟؟؟؟؟؟؟؟

فقه الواقع
08-03-2009, 01:59 PM
دائما اسمع كبار السن والناس اللي تربت على العلوم الغانمة يقولون

راحوا أهل الثنتين

والمقصود طبعا بالثنتين الدين والشيمة

ومن خلال مشاهداتي أليوميه أشوف مواقف وأقول في نفسي

اييييييييه وينهم أهل الثنتين

تروح للمحكمة وتشوف أمراءه تعطي زوجها مبلغ من المال عشان يطلقها

وتقول في نفسك راحوا أهل الثنتين

تروح للشرطة وتشوف ناس تتهاوش على مبالغ زهيدة وعناد

وتقول في نفسك راحوا أهل الثنتين

تروح للأسواق وتشوف الغزل وقله الحياء وضياع المراجل

وتقول في نفسك راحوا أهل الثنتين

تشوف البيوت وضياع حق الجار وعدم احترام ألجيره

وتقول في نفسك راحوا اهل الثنتين

يسرق بيتك وتتفا جئ ان اللي سارقه يعرفك ويعرف انك مسافر

وتقول في نفسك راحوا أهل الثنتين

تشوف عقوق بعض الأبناء لابأئهم وعدم احترامهم لهم

وتقول في نفسك راحوا اهل الثنتين

تشوف الناس تتسلف وما تسدد الحق لأصحابه

وتقول في نفسك راحوا اهل الثنتين

تشوف بعض الناس يطمع حتى في جارته

والله يذكر زمان اول كان الجدار بين الجيران ارتفاعه نصف متر

وألان جدارن وعوازل ويالله السلامه

وتقول في نفسك راحوا اهل الثنتين

بصراحة الأفكار كثيره والمشاهدات اكثر

لكن مانقول الا

راحوا اهل الثنتين

في امان الله
عابرة سبيل2
08-03-2009, 02:40 PM
أخوي " فقه الواقع "
صحيح هذا الواقع وكل شئ حاصل في هالزمن هو دخيل
على عقول البشر وغزوا فكري صريح من الخارج
وأن شاء الله عمرك طويل واتشوف تأثير المسلسلات التركيه بواقعنا
بعد كم سنه والافكار العلمانيه المخزيه
فلا حول ولا قوة إلا بالله
أخوي مشكور على طرحك
ولك أزكى المنى
!مايهاب!
08-03-2009, 03:02 PM
راحووو اهل الثنتين ...صدقت
غيمة امل
08-03-2009, 05:55 PM
لا حول ولاقوة الا بالله
صدقت.... راحوا أهل الثنتين والله مشكله
تغيرت قلوب البشر
مشكور أخوي على هالنقل المميز من كلمات مختاره
حاصله في زمننا هذا وبكثره
راحوا اهل الثنتين
ابوهاشم
08-03-2009, 06:03 PM
لذا يجب علينا المحافظه على الدين والعادات الطيبه

ونحاول التأ تير والاصلاح والتذكير بالدين والمحافظه على القيم

والطبائع العربيه الطيبه القديمه
فقه الواقع
08-03-2009, 11:24 PM
عابرة السبيل

دلع شمر

مايهاب
ابو هاشم سعدنا بمروركم
الغامض
08-03-2009, 11:36 PM
عـشـنـا وشـفـنـا

عداك العيب أخي الفاضل فقه الواقع كل كلمه كتبتها صحيحة

ومانقول إلا لاحول ولا قوة الا بالله

وراحوا أهل الثنتين
فقه الواقع
08-04-2009, 02:42 PM
شاكرين مرورك

اخو عفاف
مًـِّآجًـِّدً آلمًـِّوٍزٍآنْ
08-04-2009, 09:51 PM
الله يعين

لاهنت على الموضوع يالغالي وماقصرت

تسلم