دخيل الله ياحايل .. (قصيده صوتيه)../ لـ/ بدر الضبعان

[مشاري الخريصي]

http://www.aldhab3an.com/vb/images/smilies/salaaam.gif



مدخل :


ودعت حايل وكل أرض شماليه
. مستقبلي حدني عنها ومشاني
ودعت حايل شماليه وقبليه
. ودعت شمر بعد حيي وحياني





حائل هي المدينة التي ملكت قلوب من سكنها
()()()()()()()()




القصيده بصيغة mp3


http://www.aldhab3an.com/bader-s/yahail.MP3



القصيدة بصيغة rm
http://www.aldhab3an.com/bader-s/yahail.rm




()()()()()()()()









دخيـل الله ياحايـل ابـي أسبـق دمـوع العيـن
وأبسأل : لو رحل عنك أحد يغليـك .. تنسينـه؟!



أحد عاش العمر شاقي عشانـك بـس ترتاحيـن
يشـوف الراحـه بحضنـك اذا جيتـي تضمينـه



أحد عمره على شوفك من أول مارحل .. للحيـن
على كثـر الأماكـن مالقـى غيـرك مـلا عينـه



كتب أجمل قصيده في عيونك مـن قبـل عاميـن
ولازالـت علـى مـر السنيـن أجمـل بساتينـه



كتب (ودعت حايل) من بعد هاك الـوداع الشيـن
ولا جاله أحـد يمسـح دموعـه (غيـر كفّينـه)



خذا مده وهو يـزرع أمانـي ./ والأمانـي طيـن
ولاحصّل مـن غيابـك (أمـل) يسقـي شرايينـه



تعالي شوفي / طعون الغياب / ومضرب السكيـن
تعالي وأحكمي / وأنتـي لـك عيونـه وغالينـه



تعالي يابلد (أمـي) (وأبـوي) وموطـن الغاليـن
تعالي بـس .. وأنتـي لاحضرتـي لـه تداوينـه



مطر غيم ٍ سقى صدر الجفـاف وسيّـل النهريـن

حيا عشبه علـى مـد النظـر وأنتـي تخبرينـه



أمانه عـاد ياحايـل ابـي منـك جـواب الحيـن

ترانـي عايـش ٍ عمـري علـى كلمـه تقولينـه



أنا .. وافي معك وإلا مقصر ؟!! وأنتي تشوفيـن

رخص عمري علـى دمعـك ولافكـرت بسنينـه



دخيلك ياثرى حاتـم أبـي أسبـق دمـوع العيـن

وأبسأل : لو بدر سافر ؟! أو أنه مات ؟! تنسينه ؟!


مخرج :

الله ياهمي كنه جمرة ٍ حيه .
أخفي دموعي وحر الشوق بكّاني
يادار حاتم ترى لو طالت الجيه .
والله لرجع وانا مشتاق ولهاني




لكم محبتي

[ابو احمد الدغيري]

اخي الفاضل مشاري بدون تحفظ انت مبدع

[هلال الدغيري]

مشاري لا هنت يابعد حيي دائماً مميز فيما تأتي به
لا عدمناك يالغالي
ولك جليل الشكر والتقدير

[راضي المعجل]

أنشهد قربها بقلبي لو إنه في حدود الصين=جباله ساكنه فيني وخضرتها وبساتينه
حملته طفلة ٍ تبكي تقول إنه بها تسنين=تنام بحظن مغليها ليا ما تكبر سنينه
جارية القصيدة يامشاري بهذي الأبيات
وحايل مايكفيها كل ماكتب عنها
لانها ديرة الاباء والاجداد
شكرا لك على نقل القصيدة لنا

[بندر الشايع]

ياشيخ الله يعزك على هالموضوع

تسلم يمينك وصح لسان ابن حايل البار الشاعر الرائع بدر الضبعان

البناخي مشاري موضوعك وبكل فخر يستحق التثبيت

تحيتي لك يالغالي

[تــوأم الــعــز]

الله يعطيك العافيه
على هالموضوع الرائع

[بسام تركي الشريهي]

شـكــ وبارك الله فيك ـــرا لك ... لك مني أجمل تحية .
امير بلقصيده هذي

الله يوفقك اخوك المخلص بسام الدغيم

[عريب الجدين]

لاهنت

وقصيده جميله جداً

موفق بإذن الله ... لك مني أجمل تحية .

[المتفائل]

تعالي شوفي / طعون الغياب / ومضرب السكيـن
تعالي وأحكمي / وأنتـي لـك عيونـه وغالينـه




تعالي يابلد (أمـي) (وأبـوي) وموطـن الغاليـن
تعالي بـس .. وأنتـي لاحضرتـي لـه تداوينـه



تسلم على القصيده الرائعه


كل الشكر

[الشيخ وحيد]

وقصيده جميله

شـكــ وبارك الله فيك ـــرا لك ... لك مني أجمل تحية .

[شمـوخ وآيليه]

يعطيك العافيه
تقديرري

[شهرزاد]

شـكــ وبارك الله فيك ـــرا لك ... لك مني أجمل تحية .