بحائل شمري يزوج ابنته ب

[ولد الامير]

جسد مواطن حائلي بحائل موقفاً رائعاً بعد أن قام بتزويج ابنته (بريال وشيمة رجال). وفي خطوة جديدة ومتميزة تستحق الثناء وتستوجب الاقتداء من أولياء أمور الفتيات لتيسير أمور زواجهن، وأن يكون الزواج مختصراً ولا يتجاوز عدد الذبائح (3 ذبائح) إضافة لعدم إقامة حفلة للزواج، وطلب مهراً لابنته مقداره (ريال واحد فقط).

من جانبه أشاد المأذون بهذا الموقف الرائع من والد الزوجة مؤكداً بأنه خلال عمله في مجال عقود الأنكحة الذي يتجاوز عشر سنوات لم يطلب أحد هذه الشروط التي تؤكد على إتباع والد الزوجة لحديث الرسول صلى الله عليه وسلم (أيسرهن مهراً أكثرهن نفعاً) ويجب على أولياء الأمور عدم المغالاة في المهر ومراعاة ارتفاع تكلفة المعيشة هذه الأيام، وتيسير أمر زواج الفتيات لكي تكون حياتهن الزوجية مستقرة وبعيدة عن الخلافات التي تنشأ نتيجة تكبد الزوج ديونا كبيرة من أجل الزواج.

[صالح الغيثي]

جزاه الله خير
تسلم ولد الامير

[ولد الامير]

هلا اخوي صالح الغيثي الف شكر لمرورك لتثبيتك لموضوعي تسلم

[غيمة امل]

شي حلو بس عاد في رجال تقدر

[همس الجروح]

الله يجزاه خييييير

[حايليه]

الله يجزاه خير

ويسر أموره

ويصلح ذريته

[راضي المعجل]

الله يوفقهم ولا يفرقهم يارب العالمين

[@ دغيري ومسافر @]

الله يوفقهم .. ويكتب لهم السعاده .. وصلاح الذريه ان شاء الله "

أخوي ولد الامير انا معك .. ويستاهل كل رجال طيب هالشي .. وانا ضد غلاء المهور .. لكن في قصه صارت قبل فتره .. وحزت بخاطري وأثرت علي والله .. والقصه تقول :

أنه في رجال شروا هالرجال اللي زوج بنته بريال وشيمة رجال .. لكن بعد فتره من زمن العرس .. ولا هي طويله .. قام الزوج يدعي مرته يابيبسي .. يابيبسي تعال يابيبسي رح .. يابيبسي ود .. يابيبسي جب .. ( طبعاً السالفه قبل ارتفاع البيبسي هههه ) .. المهم المسكينه ماتدري وش السالفه ؟ .. كثر عليه هالكلام .. قالت انت وش قصدك ؟ وش سالفة البيبسي ؟؟ .. قال انا ماخذك بقيمة بيبسي وابوك عطانياك بريال وانتي والبيبسي واحد ! .. شف دنائة هالرجال ووقاحته .. فتخاف اليوم انك تقع بمثل هالناقص .. وأنا ما اعم جميع رجال هالوقت .. لكن مثل هالاشكال يقطعك من المعروف والجماله والعلم الغانم .. مالكم بالطويله راحت البنت لبيت ابوه .. ويوم علمته قال ما يشوفك غير ماشافك .. وما والله ترجعين له الا كان رجع اللبن مع الضرع .. المهم حاول الخسيس رجله هو وجماعته يرجعه وعيا ابو البنت .. جاب وجمع كل ماقدامه ووراه يبي يعطيهم مهر .. ورفض الابو .. وطلقه منه غصبن عليه .

لكن الرجال لا صرت تعرفه وتعرف اوله وتاليه اليوم مكسب .. والله لو انت تدفع من حلالك يالرجل من شان يستر بنتك ولا اختك ولا اللي هي محرمك .. وأنت الكسبان بعد .. لكن مانقول الا الله يوفقهن برجال الحلال .. ويوفقنا ببنات الحلال .. والله يسعدك ياولد الامير .. وان شاء الله نفرح بك ويجيني جبر زواجك هنا بالمنتدى >> صح استانست هههه .


تحيتي لجميع الاخوان والخوات .. وتحيه خاصه لك .

[السنعوسيه]

الله يجــــــزاه خيـــــــــــر
بس على قولت اخوي المسافر فيه ناس تستاهل ويبان فيهم الجماله وفيه رجال ماحولك احد الله يهداهم بس

[عابرة سبيل2]

الله يجزاه خير ويبارك له
مشكور أخوي " ولد الامير "
على نقل الخبر
وربي يحميك

[ولد الامير]

هلا اختي غيمه امل لو به كذا رجال سواه كان كل الرجال تسويه