|
كل ماسمعت أن السحاب يغمرها، أشم بأقصى الأرض نسمة هواها،
ماأقول أهنّي ديرتي في مطرها، أقول أبارك للمطر في ثراها فهدالمساعد |
كل يوم اجلس على جال البحر وأقول: توي
لاسألني: مافقـدت الحلم في لمسة يديـنه؟! مادريت إن البحر ماقـال لأمواجـه: تروي ومادريت إن الغرق هو حجة غياب السفينه فهد |
الأرض رحبة / علامك جالس لحالك !
ان كنت مهموم .. كلٍ عنده همومه .. في داخلك [ طفل ] .. لا تقتله باهمالك ! وقّف زمانك .. وصح الطفل من نومه.. فهد |
أفتح ضلوعك وأجمع الخير والحب
اليوم جمعه والله الله في الأسباب! سامح .. ترى من سامح وقال : يارب يفتح له الله في سما رحمته باب فهد |
فقدت في الشده حبايب وخلان
هانت عليهم عشرتي بس ماهنت خانوا وقلت ان الزمن مثلهم خان لكن بعد ماشفت زولك تطمنت عرفت من فقدي لهم اني انسان ماعاد باقي له من العالم الا انت فهد |
يسعد صباح العيون الي صحت بدري
اٍصحى حرام الصباح يمر من دونك جتك الرساله على غفله وانا مدري حتى الرسايل تبي تصبح على عيونك فهد |
يـا الله ياللـي عنـدك الـنـاس سـيّـان
تّجّار .. وضعوف .. وعبيد .. وسلاطيـن حنّـا عبيـدك .. وأنـت ياعالـي الشـأن أدرى بخبـث و غطـرسـات الملاعـيـن يـارب تدحـر كـيـد عُـبّـاد الاوثــان و تعـزّ نـاسٍ همّهـا نـصـرة الـديـن فهد |
يارب اٍذا لي دعوة مستجابه
بوجز لو ان اللي أنا ابيه واجد ابقى على نهج النبي والصحابه وأموت بين يديك يارب ساجد فهد |
اما انت ياقلب لو صالوا بـك وجالـوا
خلك مثل ماانت لاتشره علـى ايديهـم الناس مـن خلقـت الدنيـا ومازالـوا عيـال رجّـال لكـن فيهـم وفيـهـم وذولاك من عرض ناس ٍ مالي ان مالوا الا اني اسكت ,, واقول : الله يجازيهم فهد |
كني انا واياك عينين في راس
ياما تسامرنا وياما غفينا لكن على قرب المشاعر والاحساس بنموت وحنا مع بعض ماالتقينا فهد |
| الساعة الآن 01:49 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
new notificatio by 9adq_ala7sas