غيابك .. مايخلي للوصال اهدوم
حضورك .. يكسو الدنيا بقطن الشام

أشوفك وانت يبغالك مسيرة يوم
واحس انك معي لو ان غيابك دام

تذكرت الوصل .. وابريلـنا المشؤوم
وطاح الدمع .. وآنا اشره عليه وقام

غيابك يزرع بصدري نخيل هموم
نضج تمر الهموم .. ولا لقى لمّام

يهيّضني الهديل .. ولا يجي لي نوم
يطوّل بي السهر.. والذكريات اعوام

يلاحقني الغراب .. ولا يغيب البوم
تعبت من الحنين وفرحي اللي نام

أمانة .. ما أبي هذا الغياب يدوم
لأن الوصل يعني : ترجع الأيام

^ رائعه تسسلم ع الاختيـار :)


ومسسساء جميييل للجميع ...

نبره مرورك اروع

مساء الخير
////

لاح برق الموادع والخطاوي رحيل
دلّني للدروب وللفنا دلّني

هاك كل الرسايل والف شكراً جزيل
بيّض الله وجهك دفتري ملّني

مسساء وصباح الورد الحساس

تعال شتيت والابعد :)

هوشات مع المكيف شغل طف

تقل يمزح معنا البرد ههههه

ايوالله الله يقلعه ثقل مزحه هههههه

صباح الخير
///

http://youtu.be/V7W1ju9ycrY

في كفها خاتم وفي خدها خال ..
.. وفي عينها غيم وعمارات وبيوت

الخال شفته واضحٍ من ورى الشال ..
.. والخاتم الماس مرصع بياقوت

والعمر في العشرين كني مانيب زال ..
.. والجسم كنه من جبل ثلج منحوت

جبل ولكن لا طرقه الهوى مال ..
.. وخطواتها ماهي بالأمتار بالفوت

ماهي تشوف الشمس من ظل الاظلال ..
.. ومصيافها ما بين لندن وبيروت

الشمس لو تشرق على جسمها سال ..
.. كنها مجسم محلبيه وبسكوت

ومن صغر مبسمها شقى حالها الحال ..
.. ما تاكل الا اللوز والخوخ والتوت

ماهي تشوف الناس تمشي وتختال ..
.. ومرٍ على جاكور ومرٍ على حوت

وخدامتين وهي بلا زوج وعيال ..
.. وسمعتها تدعي الدريول يياقوت

وثلاث جوالات ماهو جوال ..
.. ومن يوم خلقت كل شيٍ بريموت

لكن قلبي مالها فيه مثقال ..
.. وش قرب البشت الحساوي من الكوت

ياجعلها للي خذت قلبي نعال ..
.. اللي غلاها عندي الشرب والقوت

حوريةٍ من فوقها الليل شلال ..
.. كنها صبحٍ فوقها الليل مكتوت

قلبي لها من كثرة الشوق مشخال ..
.. وللسر عن كل المخاليق تابوت

تنحت لي من الحب في القلب تمثال ..
.. وحبي لها ينحت على الساحه بيوت

في عينها ماكل رجال رجال ..
.. وأقصى حدود الوصل في سلمها الصوت

زودٍ على القلب وعلى الحسن من آل ..
.. روسٍ لهم روسٍ على متونها بشووت

الى رضت موتوا يا أهل روس الأموال ..
.. وإلى زعلت جربت وش سكرة الموت

من دونها رجلي وراكب وخيال ..
.. والسيف والأمواج والبحر والحوت