الليل وعيون السهر والهواجيس -- تجمعوا عندي بلا سابق انذار
//
ومعزب السهره يدير الكواليس -- الين دخان القهر بالهوى طار

//مانع العياده

الذاكره فلت علينا جديله -- وقامت تسولف عن قريبين وابعاد
//
شلت الثقيله ماقويت النحيله --رجعت للتاريخ خانوبي احفاد

// مانع العياده

لاقلت ذابحني غلاك تعذرني -- شفني اواجه جيش الايام بعدك
//
مافيه مثل غياب وجهك كسرني -- بالكون هذا ماوجد فيه قدك

//مانع العياده

عطني نفس ماعاد باقي من الكيس -- الهم لاجاك بخوي صار ذباح
//
وانا شربته بالوجيه المفاليس -- لين التثمت الحنظله طعم تفاح

// مانع العياده

اقرب لغة عند التخاطب هي انفاس // يجرها من حادي الوجد والشوق

//مانع العياده

الجوع يطوي كل معنى عقيده -- مدري متى تشبع عيون المساكين /
//
ياراس حكمتنا كلتنا الحديده -- ماعاد باقي للصبر هو عناوين/

//مانع العياده

ياهو تعب ياهو ملل ياهو اليوم --حزين غنى للغياب وشكالي

// مانع العياده

غنى الحمام ولاجذبني هديله -- بكت منافي غربة الجرح وبلاد /
//
ماعاد يغني عن كثيره قليله -- مادام وصلت قلته لقمة الزاد /

// مانع العياده

خل السحاب ولاتعرض سبيله --عساه يروي هالصحاري والانفاد /
//
غريب درب وينتظر من يشيله -- للرحله اللي موتها شبه ميلاد /

// مانع العياده

ياصاحبي ذنبي تراني مواطن -- مخلص ولكن بالحقيقه اعاني /
//
ظاهر نقاوم والبلا بالبواطن -- اذا انفجر عرق الفقر بالكياني /

// مانع العياده