|
تنبيه
الى اخواني واخواتي من أداره ومشرفين ومشرفات
وكافه الاعضاء والعضوات والشعراء والشاعرات السلام عليكم ورحمة الله وبركاته عندي عدة ملاحظات لو تكرمتوا .... راح ادخل بالموضوع على طول في عتب عليكم وطبعا انا ما اتكلم عن نفسي فقط...... لما صاحب الموضوع يجتهد --وينزل موضوع سوا الموضوع نقاش او صور او خبر او .....الخ تلقا الردود بكل برود اذا كانت صوره التعليقات معروفه <<<< مفبركه او موصحيح او......الخ واذا كان خبر<<<<<<< نفس التعليقات طبعا انتم عارفين انها المواضيع منقوله بها الحاله راح تعطول صاحب الموضوع دافع....... لا والله الاتحبطونه للاسف انا اشوف في ردود تجرحه صاحب الموضوع وراح تقولون هذا نقد اذا كان صحيح نقد في شي اسمه رساله خاصه واذا تحس انو التعبير راح يخونه بالرد على الموضوع الافضل انك ماترد ..... بدون ماتزعلون مني هذا شي صحيح --وفي بعض المشرفين عندهم تحيز على قسم واحد ولا ادري ليش هذا التحيز --والعتب الاول والاخير اكيد راح يكون على المشرفين والمشرفات والاداره قبل الاعضاء --وفي ردود تحرر ولاندري وش الي تحرر فيها غير الرساله الاليه ياليت المحرر يعطي صاحب الموضع خبر عن تحرير الرساله وعن سبب التحرير --واذا كان الموضوع مكرر لازم صاحب الموضوع تعطونه خبر عن سبب الخذف ملاحظه أخيره........ احيانا يكون التواجد 30 ولافي اي حركه للمنتدى ودي اعرف ليش؟ احد يقدر يجاوبني لاتخلون الحسسيات تدخل بيننا ولانتسون حنا اولاد علي .... ولازم يكون في مساعده قوووووويه بالمنتدى حب لغيرك كما تحب لنفسك الي عنده ملاحظه او اضافة اي شي حتى لو كان عضو انا تعمدت احد الموضوع هنا علشان الاعضاء يشاركوننا |
الله يرحم والديتس ياأم الديم فعلاً أسم على مسمى ياغيمة أمل أنا الاحظ مثلتس حضور بالهبل بس للأسف مافيه تحرك على شان كذا أقول أن أكثر الحضور يدخلون من الخرطوم خخخخخخخخخخ يعني مانين علينا سمع ارائهم أو مشاركتنا باالردود شي يقهر فيه منتدى لحدى أفخاذ شمر له اليوم شهرين من فتح عدد المواضيع أكثر من 2800 وعدد الردود والمشاركات حول 30000 يعني لو حنا من هالفخذ صدقيني كان أمدانا وصلنا لـــ10000 موضوع و 120000 رد ومشاركه يعني بكل أختصار بعض ربوعنا بس فاتح عيونه ومجتهد على التواجد من غير لاحس ولاخبر تقولين أصابعه توجعه شي محزن وأنا أشوف أن أدارة ومشرفين ومراقبين الدغيرات من أنشط الناس بس أشوف أن هناك أعضاء مالدهم داعي يعني وجودهم مثل قلتهم يجون ويرحون مادرينا عنهم وهذا الشي ودك تلتفت له الأداره وأنا قبل يومين حطيت لهم اقتراح يمكن لو ينفذونه يلاقون تجاوب وهو من لايضع مشاركه خلال يومين تحجب عنه المشاهده والله أني صادز لأنه شي يقهر يجون ويرحون وتقل باخلين علينا هالدرر خخخخخخخخخ الله يرحم والديتس ويعطيتس ألف عافيه بردتي قلبي خخخخخخخخ عليهم :ash37: |
اول شي الف شكر لك ياغيمة على جهودك وثاني شي العتب واللوم على إدارة المنتدى لان فيه مشرفين من فتره طويلة ما هم موجودين وفيه بعض المشرفين كل تركيزهم على اقسامهم اقتباس:
|
ملاحظه بمكانها
بادره جريئه من اختنا لكم جميع الود والتقدير |
شكراً لكِ فآضلتي .
لي رد بعد ردود الأخوه كآفه وتعليق على بعض النقاط ,. |
ابتنا الفاضله غيمة امل جزاك الله خير
تسجيل حضور |
اقتباس:
واكيد كلنا نسجل خروج بس انا اعتقد انو مافي تثبيت |
شاكره لك من مر على الموضوع
وعتبانه على الباقي مو معقوله مادرو بالموضوع وشاركوني واعطوني رايهم |
اشكرك اختي غيمه على هالموضوع المميز اللي يتطرق الى مشاكل غياب الاعضاء والمشرفين وهذا يظهر
منتدى الدغيرات بصوره سلبيه لكن حنا ماودنا نظلم احد يمكن فيه ناس عندهم ظروف والا اشغال لكن من المفترض انهم اذا دخلوا يبدون السبب للاداره او في قسم الاهداءات علشان يشوفونه جميع الاعضاء ماهو يدخلون من غير حركه والا يدخلون المواضيع ويراعوله ويطلعون على الاقل اشكر هالعضو واظهر اهتمامك بموضوعه بأي كلمه توسع صدره علشان يكون لتعبه فايده والا يامنه حط الموضوع مافيه الا4 او 10 مشاركات الى 30 مشاركه هذي ماهي شيء بالنسبه لاعداد اعضاء المنتدى اللي بالالاف يعني لازم شوي اهتمام والا الواحد خلاص ينكسل ولايحط اي موضوع ولايرد على احد لان مافيه اي اهتمام سواء رد والا مارد فالواحد راح تحطم مشاعره وتنسد نفسه ويقول ليه اتعب لناس ماهم مهتمين بي والكلام يطول بهذا الموضوع لكن ماأقول الا اننا ننفخ بقربه مخروقه الشكوى لله واخيرا وليس اخرا اشكر كل من يقوم على الاشراف بالمنتدى ويراعي اهتمامه ومتطلباته ويحاول ان يحسنه ولكم خالص ودي وفائق احترامي . اخوكم : عايد الناطوري |
كلامك صايب وعلى العين والراس
يا شاعرنا عايد وهذا الي خلاني اكتب الموضوع شاكره لك مرورك وتعليقك الصحيح |
| الساعة الآن 11:48 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
new notificatio by 9adq_ala7sas