|
ياسر القحطاني وانجاز جديد يحسب لا اسمه
طبعا ياسر القحطاني كسر الرقم القياسي السعودي لغياب المهاجمين عند التهديف حيث كان مواطنه سامي الجابر قد غاب عن التهديف لـ 17 مباراه متتاليه شارك فيها اساسيا متواصله وهاهو ياسر القحطاني يكسر الحاجز الى 18 مباراه متتاليه وربما لا اكثر مبروك عليك لقب سنتوره 6 :ash49: من جهه اخرى رفض مجموعه من لاعبين منتخب الهند تأهل منتاخبهم للادوار النهائيه بعدما تاكدوا خروج المنتخب السعودي من التصفيات بحجه انهم من المستحيل ان يتركوا كفلائهم السابقين شكرا لا ابناء الهند الوفاء المعهود :ash31: |
لا حول ولا قوة الا بالله
أقسم بالله أن بعض الكتابات ما لمه أي داعي والأفضل الصوم إذا كان هذا نتاجها حتى المنتخب ماسلم دخلتو فيها الهلال والنصر. ياناس والله عيب وطريقة الكتابة..........................؟؟؟ |
مشكوووورر اخووي
|
اقتباس:
والله اني كاتب رد طويل لكن ربك كتب ان يمسح لكن ما اقولك الا حاجه وحده موضوع مايعجبك مو شرط ترد عليه |
اتحداكم تقولوووون خمس مراآآآة بسرعه سامي سنتر اكثر من ياسر سنترتين هههههههههههههههه
الله يخلف ع هالاعبين الاعلامين ..... للاسف الواسطااات فرضتهم علينا مشكور اخوي |
اقتباس:
الشكر على مرورك |
اقتباس:
خخخخخخخخ للاسف الواقع هو ماتقول شكرا على مرورك |
شكرا لك اخوي ابو مقبل عالكلام المنطقي.... |
اقتباس:
كلام ابو مقبل منطقي لان يعجبك لو ماكان يعجبك ما كان منطقي .. للاسف المنطق شرق وهو غرب شوفي ردودهـ ضد النصر تمسخر ومسوي انه الانسان اللي يعالج الامور بجديه الحين ياسر ماغاب عن التهديف كل الوقت او ان كلامي افتراء عليه ياليت تقتنعون بالحقيقه اسامه المولد المدافع ما غاب زي ماغاب ياسر سجل قدام ايران وسجل في كاس الخليج وفي مباراه وديه قبل بدايه كاس امم اسيا لو كان كلامي خطاء انا مستعد امسح كلامي واقول اسف لكل واحد في المنتدى لكن المشكله ان الواحد منكم يكتب الرد ويهرب ماعاد يشرفنا بعدها واتحداكم ان رجعت البنت وعلقت صحيح ان كلامي فيه نوع من الاستهتار لكن مافي شيء مخالف للحقيقه اتمنى اثبات عكس كلامي |
اقتباس:
اولا انا قلت كلام ابو مقبل منطقي على هذا الموضوع مالي دخل بغيرهok .. ثانيا ياسر ماحالفه الحظ..وهبوط مستوا المهاجمين عموما وارد مايختلف عليه اثنين..>كلامك صح بس اسلوبك استفزازي.. ثالثا (اتحداكم اذا رجعت البنت وعلقت) قويه وربي ههههههههه.. رابعا اتمنى منك كامشرف تحسن اسلوبك.................... تقبل ردي بكل ادب واحترام.... |
تسلم طير شلوى
ادييييييييييييييييييييييلوووووووه كل المنتخب سنتوره |
اقتباس:
اولا لو كان هابط مستواهـ ليش يضمونه على حساب لاعبين مبدعين معنى هـذا ان المنتخب يجامل لاعبين الهلال على حساب غيرهم وهذا ما استنتجه من كلامك الشيء الثاني حشى لله ما غلطت عليك بكلمه وحدهـ اذا على تحداكم ترجع البنت وترد انتي كسبتي الرهان ورديتي لكن مافي غلط ولاقله احترام مجرد توقع عدم عودتك الا انك تشوفين ان فيه غلط بحقك فانا مستعد اعـتذر لك الامر الاهم انا اسلوبي واحد سواء كنت مشرف او ماني مشرف وبعدين ولو صرت مشرف يعني مخترع طائره حربيه والله مافرقت عندي مشرف او مراقب او من الادارهـ او عضو |
هلا والله بطير شلوى
تصدق ان ياسر القحطاني وسامي الجابر هم سبب خساره باقي البطولات اللي شارك فها الهلال وما حققها لانهم لو سجلوا في هالمباريات كان صارت بطولات الهلال فوق 100 بدل ماهي 51 بطوله حاليا لكن نقول الله يرحم حالنا يالهلاليين ظيعونا هالاعبين وان شاء الله يعوضونا بباقي بطولات هالسنه ولاني طماع ما نبي الا اربع هالسنه عشان نكمل (55) بطوله والباقي نخليه للاتحاد يفرح فيه من زمان ما فرحوا ببطوله مساكين |
اقتباس:
ثانيأ ماهو أنت اللي تقيم ردود الأخرين فيه مراقبين وهم اللي يقيمون هالشي. ثالثآ والله مافيه من كتاباتك مايخدم الرياضة السعودية عوضآ عن النصر. رابعآ فيه لعيبه أنت تعرفهم ماأضافوا للكره شي وقفوا عن العطاء ومع ذلك لأجل كل ماقدموه للكرة السعوديه لم يتجرأ أحد بأن يكتب ماكتبت أنت تقديرآ لهم ولعطائهم السابق. خامسآ وأخيرآ دايم أسلوبك بالكتابة الرياضيه ومحاولاتك التحليليه أستهزائية بحته وعن ردودي السابقه صدقني بسبب بعض الردود اللي مثل ردودك. |
اقتباس:
اها مابغيت ترد ما كانك ناط بالصفحه الاولى او انا غلطان كيف مابغيت ترد انا قيمتك بمنظوري عجبك ماعجبك مشكلتك وانا صادق يا اخي تبي اجاملك ما اقدر ارحمنا انت ياللي اراك واطروحاتك معمول فيها في الفيفا والنصر اخر شيء تفكر فيه خلك في زعيقك انا اللي قاهرني انك زعلان من شيء صدق ياسر ماغاب عن التهديف المده اللي قلتها فكيف لو انا قايل شيء خطاء احتمال تنتحر .. اي زعيقي دائم يسوي نفس الشيء ياتمدحني يا ازعل :ash27: والله اوما كلمتك التحليله احسها متعوب عليها كم جلست عشان تطلعها والله اسلوبي مع اثنين انت والامير لانكم ماتنعطون وجه باختصار هع هع :ash52: انت مسوي فيها الولد الظريف واخينا في الله مسوي خالد الشنيف بشويه حنيه اهم شيء صحتك يا ابو مقبل وانتبه تزعل نفسك |
لا احسن تضاربو ههههههههههههههه :ash31:
قسسسسسم انكم ضحكتوني الله يسعدكم ويهدي بالكم طيب وبعدين وش اخرتها هالمشاده وش المكسب ..! بس الحق احيي انتمائتكم للأنديه :ash19: |
مشكوووووووور يالغالي والشكر ايضاً موصول لأبناء الهند الكرام نفر نفر بيت بيت دار دار زنقه زنقه شبر شبر موفق بإذن الله ... لك مني أجمل تحية . |
ههههههههههه
الحمدلله على النعمه وما عمري شفت نصروااي الا تلقاه متعصب من كثر هالبطولات مثلآآ سؤاال متى اخر مره اخذ بطوله هالفريق الفااشل الظاهر من تأسس ما اخذ الا بطوله ولا بعد دوري الدرجه الاولى هههههههههههه ومازال النصر يفحط حول العالميه ويصدم بجدار الهلال ههههههههه والمشكله الود ودي لو اشوف النصر بمرتبه من المراتب المتقدمه يا الاخير يا على الحفه ويقع على الدرجه الاولى |
| الساعة الآن 11:32 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
new notificatio by 9adq_ala7sas