|
الا متى رياضتنا بالحظيظ ومن المستفيد بالتدهور؟
طيب حبايبي انا عندي اكثر من محور واكثر من موضوع لكن كبدايه ببدى بنادي الاتحاد والكوارث الحاصله للفريق حالين اتكلم على مستوى فريق كرة القدم ولالي علاقه بئي العاب اخرا عشان اكون واضح بموضوعي .:ash41::ash41:
طيب ابدى من اول المشكله وهي تقدم نادي الهلال بعرض احترافي للاعب محمد كالون الي كلنا نعرفه او المطلع على كرة القدم بكل تاكيد يعرف الاعب الي مثل انتر ميلان لثلاث مواسم متتاليه:ash8::ash8: وعند وصول كالون لرياض لم يكمل 12 ساعه بعدها سحب على الهلال :ash49::ash49: رايح الحبيب لجده طيب يمكن يبي يسلم على الشباب هناك تخبرون ابحر الجنوبي والا يبي يعتمر :ash27::ash27: قام الاعلام الهلالي الخطير والمعروف بكثرته طبعآ على مستوى الاعلام المرئي والمقرؤ قامة قيامة الاعلام بالسعوديه ومن وراء الفعله المشينه ومن الذي يتسبب بتدهور رياضتنا ايه لازم يكبرونها ويضخمونها عشان الناس تقتنع بالي يبون يوصلوله ونسو او تناسو كيف وقعو مع مدرب النصر ارثر جورج وكيف لفو العقد من تحت الطاوله :ash59::ash59: ماعلينا نرجع لموضوعنا الاساسي جابو منصور البلوي الي كلنا نعرف انه هو الرجل الداعم الاول بالرياضه السعوديه وبالتحديد لنادي الاتحاد ومشهوده لهو نقلاة عظيمه عملها بنادي الاتحاد وبدى نادي العميد يسبب لكثير من الانديه المدلله لدينا كثير من الازعاج وبدى العميد يصطاد البطولاة وحده تلوا الاخرى قامة الصحافه ورعاية الشباب ورؤسا بعض الانديه بضغط على منصور نفسه وليس على النادي وقامو يطلعون الاكاذيب عليه وحده تلوى الاخرا حتى وصلنا لقظية النادي المدلل والاعب كالون جلس منصور البلوي على طاولة التحقيق وادلى الرجل بدلوه وتحدى اي شخص يقول انه هو المتسبب بهروب كالون من الرياض وطلع على كثير من القنوات واكد نفس الكلام مارتاحو حاولو يدورون عليه اي خطا عشان يطيرونه لمصلحة من ؟ على حساب من؟ وما الفايده من ازاحة منصور من رئاسة الاتحاد؟ وبدون اطاله جابو ابو عماره جمال سكت منصور وكمل طريقه مع الاتحاد بنفس الدعم المادي والمعنوي الي كان يعطيه النادي وقت رئاسته واخذ الاتحاد الدوري ووصل لادوار متقدمه بابطال اسيا للانديه رجع النادي المدلل وكثر لغط وكثر كلام حتى قالو لبو عماره جمال الله معك ماتلزمنا << كلام سلطان بن فهد يقول جمال ابو عماره فتره مؤقته وانتهت وحبينا نسوي انتخبات دمقراطيه << الانتخبات بس هينا.......؟ المهم تقدمو كثير من المرشحين من ظمنهم منصور البلوي لاكن منصور يوم الترشيح النهائي طاحت ورقته الانتخابيه من العامل الي كان شايل الاوراق ومسك الدكتور المرزوقي الرئاسه انصدمت ناس وبكت ناس وتكلمت ناس ولا حياة لمن تنادي!!!! وكلنا سمعنا مقطع طلعة لامي وتسجيل الصوة الي كان مسجله حامد البلوي اخو منصور !!!؟؟:ash62::ash62: وكيف يقول ابوطلعة لامي لحامد افهم سلطان مايبغى منصور برئاسة الاتحاد ليش سلطان مايبي منصور برئاسه؟ الي حبيت اقوله في ختام موضوعي هذا الاتحاد النادي المرعب في اسيا ينهزم بالثلاثه وينهزم بالخمسه والرئاسه تتفرج وفوق هذا كله يروحون يجيبون حمد الصنيع الي الكل يعرف مشاكله مع الاعبين وسوالفه الي سواها بالاتحاد ما اقول الا حسبي الله ونعم الوكيل بالي حرمنا حتى من متابعت الكوره وحرمنا ابسط حقوقنا ؟ لو تشوفون وقت كتابتي للموضوع يمكن كلكم او الرياضي فيكم راح يقول يالحبيب انت كل هالكلام واخرتها مباريات ابطال اسيا طالعه الحين ليش ماتشوفها اقولكم جد مايهمني الا النصر والنصر بس كنت اعشق الاتحاد لمى يلعب واشجع الهلال لمى يشارك بطوله خارجيه وبكيت بثنائية سيرجو بالنادي الياباني وانسجم بلعب الشباب واحب اتفرج مع جمهور الاهلي وقلبي وعشقي ودمي لنصر اكيد لكن الحين صرنا بغابه مو برياضه وصرنا بتصاريح ماندري من الصادق فيها ومن الكذاب لمى حاولة قناة ابو ظبي الرياضيه توصلنا جزء من الحقيقه الي كانت غايبه عنى وش الي صار لقناتهم الموقره الي انا شخصيآ احبها واحب كل انسان يبحث عن الحقيقه اخواني الهلاليين ابي اقولكم موضوع يخصكم انتم بالذات مباراة النصر والهلال ايام طلال المشعل مع النصر الي انتهت 2_1 للهلال مباراة الكابلي المشهوره طلعنا من الملعب كنا ثلاث نصراويين وهلاليين يوم ركبنا السياره كنت معصب ومتنرفز لبعد درجه سالني واحد من العيال هلالي طبعآ شرايك بالمبارة ؟ قلة بشكل عام حلوه لكن صدقني الهلال دايم يحرمنا متعت الشي والا يدخل فيها عوامل خارجيه (تحكيم) المهم قال وربي اني صادق والله من اليوم ورايح انا نصراوي وللمعلوميه احمد اللوذان يعرفه ويعرفني انا نفسي عشان ماحد يقولي قصه خياليه المهم رياضتنا ضاعت وانا عن نفسي الدوري الاسباني والنادي الملكي غيرها مالي شغل اتابع مباراة النصر اغير القناة والا اذا كنت حاظرها بالملعب اطلع والا اسال كم النقاط من المتصدر ومتى ينتهي الدوري امحق دوري كله تاجيل بتاجيل اسف على الاطاله عليكم لكن جد يا حبايبي رياضتنا كل مالها لورا وسلطان الرياضه يقول ابشركم القوى حصلو على مداليتين برونزيه ( شر البليتي مايضحك ) ياليت اكون مخطي بكلامي ويجي من يصححلي ؟:ash16: << اتمنالكم قراه ممتعه وصدقوني يا اخوان كلها اجتهاداة يمكن تصيب ويمكن لا |
شـكــ وبارك الله فيك ـــرا لك ... لك مني أجمل تحية .
بس الهلال شي ثاني يغرد خارج السرب الحان شجيه ونفسي ومنى عيني النصر ياخذ الدوري القرن القادم واكيد بتغير كلامك وتقول الدوري حلو وكل شي ممتاز دعوه للجميع (دع التعصب وشجع الهلال) |
(((((((العقل السليم في تشجيع الزعيم)))))))))))))) |
أهلاً بك أخي كاكا الحسيني ومرحبا ... . . بالنسبه لموضوع كالون أخالفك الرأي لإن البلوي هـو السبب والكل يعرف كيف كان ذلك ..! . . وهناك العديد من المفارقات بالدوري والكثير شاهد الأخطاء والتخبطات فالهلال ظلم في كثير من التخبطات فأنت تقول أن الهلال هـو النادي المدلل أنا أريد أن أقول لك أحداث حدثت بالدوري السعودي أولها مشكلة حسين عبدالغني مع لاعب الهلال أحمد الفريدي .., وكانت النهايه غرامه ماليه ومصالحه ...؟ وأيضاً حسين عبدالغني مع الحكم خليل جلال < لم يصدر شيء ولم يعطى لفت نظر لهذهـ الفعله !!! وأيضاً حسين عبدالغني مع أمين مهاجم الإتحاد لم يصدر بحقهم أي شي وحتى إن لم يكن هناك ( بصق أكرمكم الله من حسين عبدالغني ) لماذا لم تجتمع لجنة الإنضباط مع اللاعبين ؟؟ وتبين سبب تنرفز حسن وسوء سلوكه وأذكر أيضاً ما حدث من مدرب الاهلي وعلى ما أعتقد أن أسمه زاناتا حيث أنه فعل كما فعل مدرب النصر الحالي حينا أشر للحكم بإتهامه بالرشوهـ ...! فماذا فعلوا اللجنه الكريمه قاموا بطرد مدرب الأهلي من الملاعب السعوديه ..؟؟ ومدرب لنصر الحالي فقط تم توقيفه لعدد معين من المباريات مع غرامه ... أخي هناك الكثير الكثير من المفارقات بالدوري السعودي فمشكلتنا ليست بالهلال أو الشباب أو النصر أو الإتحاد المشكله الحقيقه هي بالمسئولين وهم مؤتمنين على عملهم فتجدهم تأخذهم الميول لناديهم على حساب النادي الآخر هنا المشكله فما ذنب النصر من مسئول كبير يحبه فالنادي والجمهور ليس له ذنب وما ذنب الهلال وماذنب الإتحاد أيضاً أخي أتمنى أن نكون أكثير فهم ووعي وأن لا ننظر للأمور من عنق الزجاجه وأن لا تفرقنا الكرهـ ! أتمنى أن تتقبل تواجدي هنـا ولك جــٌــل إحترامي |
اقتباس:
هلابك زوووووووووود طال عمرك امير على اسمك وشكلي بستمتع معك بالمواضيع الرياضيه.:ash12::ash12: ابدى معك من نهاية كلامك وانك تتمنى قبولي تواجدك هنا!!! اقولك اخوي امير لو ماشالتك الارض تشيلك عيوني:ash26: ولو مافيه النقاشات هذي واختلاف بالراي صدقني يصير تواجدنا بالمنتدى عقيم فبارك الله بالساعه الي جمعتني معكم .:ash32::ash32: نرجع لموضوعنا واختلافك معي بموضوع كالون وان منصور هو الي هربه من الرياض اخوي الامير وين رئيس ناديكم محمد بن فيصل على معتقد وين ادارته وين الناس الي شغاله على الاحتراف بالنادي لما يجي الاعب المحترف من دولته لدوله ثانيه اكيد بيستقبلونه الاداريين بالمطار ويرحبون فيه ويودونه النادي لكي يتعرف عليه ماهي فوضه :ash0: وصل يالله رح شفلك شقه بالبطحا:ash13: والا بكيفك لا يالغالي يعني من اول السالفه الهلال مخطي ميتين بالميه . الامير برجع واسالك سؤال ياليت تجاوبني عليه قبل لادخل بموضوع حسين ! وش الاثبات الي لقوه على منصور ؟ او الدليل الي خلا منصور يهرب كالون من الرياض؟ اتمنى منصور انك ماتقولي طيارته الخاصه وشافو سواقه الخاص ومادري ايش سوالف لها اول مالها اخر . امــا سالفة ابو عمر ومشكلته مع الفريدي لاعبكم الموقر مشهوده له كثير من السوالف بنرفزة الاعبين واخراجهم من جو المباراة لاعب يحب كثرة الكلام والدليل جيرتس تصريحه الشهير عن الفريدي يقول لا للكلام الزائد بالتمارين << مشكلته مع عمر الغامدين بالتمرين ومع هذا ماصار شي واضح عشان نقول ليش مايوقفون حسين والا ليه مايوقفون الفريدي مشاده كلاميه وانتهت يعني ماتستحق اننا نتناقش فيها !! اما خليل جلال (الحفله) يالغالي انت عمرك شفة حكم بالدنيا يمشي على كلام لاعب يارجال انا لو من لجنة التحكيم وربي لنسقه والا اخليه يحكم والا مباراة يعني خطاه مو خطاء ابو عمر لانه عرف ان الحبيب الملقب بجلال ماعنده ماعند جدتي. موضوع امين اجتمعت لجنة الانضباط ثلاث او اربع مرات كلها يبون اي شعره بس عشان يوقف الاعب لكن ربك مالقو القطه الي تثبت الحركه من عدمها وان تصوير التلفزيون السعودي يؤكد تبرئت ابو عمر من الوصف الي قاله أمين الكذاب . طيب انا جاوبتك على كل تساولاتك جاء دورك تجاوبني على اسالتي؟ تذكر بطولة بالقوله الله يرحمه البلنتي المشهور وحرام النصر بطولة النخبه ؟ تذكر بطولة النزهان الي خذوها قدام الاتحاد يوم يطلع الكوره بيده؟ هذا لاني وصفته بالمدلل حبيت اكدلك ليش وصفي اخترته كذا نرجع لدوري الموقر وعلى قولتك تقول اذا خذيتوه القرن الثاني راح تقول الدوري ممتاز ياحبيبي القرن الثاني انا اقولك من الحين دورينا راح يكون فله راح يكون طرب لان الرجال ماراح يعيش قرنين معدل عمر الانسان لا يتجاوز فيه الثمانينات والسبعينات ! ممكن بعد كلامك عن حسين عبدالغني نتكلم انا وانت من باب الدردشه شوي الجزار (رادوي) <هذا وش تقول فيه ؟ رادوي وطى على سعد الحارثي وبمنطقه حساسه وقدام الحكم والا قاله شي وضرب حسام غالي وشافته الناس كله والمحللين والا صدر بحقه اي شي واخرها الزيلعي بدون كوره وبينه وبين الحكم صانتي والا حرك ساكن . خلصنا من رادوي جينا لياسر ضرب لاعب نجران بسبب احتكاك وانا اعترف ان الاحتكاك كان قوي لاكن مايحق لياسر ياخذ حقه بيدوه فيه حكم وفيه لجنه بعد ضرب ياسر لاعب نجران او محاولة ياسر لضربه وش صار بالجنة الانضباط والا افتحو الموضوع اصلآ رجعنا لياسر وسوالفه يوم النهائي بين الهلا والاهلي وش قال لعبدو ربوه وجلس اكثر من دقيقه وهو يتكلم عليه احد طلع وقال ليش ياسر من الاساس يلعب لا احد حاول يشكك بلجنة الانضباط لا . حبيت اقولك يالامير بختام كلامي تبقى وجهات نظر يمكن تصيب ويمكن لا ومن ناحية تقبلي لكم كجمهور هلالي والله بالعكس لو ماصارت النقاشات هذي صدقني ماكان تجمعنا بالمنتدى من الاساس تقبلو مروري :ash10: |
الامير جاين من اقصاوه هههههه
كاكا بعد راسي أنت تسذا <<يعني أوكيه تحليل ولا ارووع وه بس ياعلك تسلم |
التعصب الرياضي هو السبب وعدم الاستفاده من اخطاء الاخرين من وجهة نظري ومتابعتي للرياضه ضعيفه جداً |
بختصار ..السبب الرئيسي وراء تدهور رياضتنا هو الامير سلطان بن فهد (حفظه الله في حله وترحاله )
واعلام الموساد الهلالي ..!!.. تحيتي لك ياكاكا |
يابعد حيي ياكاكا معلوماتك اثرتنا يا الغالي
الله يديمك راس حربه لمنتدانا يبعدي لك شكري وحبي انت واحمد اللي جابك لنا انك مكسب لنا يخالي |
تسلم والله يافهد والمكسب صدقني اني تعرفت على رجال شرواك يالغالي
هذا المكسب الحقيقي شكرآ لمرورك يالغالي. |
مشكور كاكا وانا احب اقول نفس كلام اخوي البتار السبب في تدهور رياضتنا هو الا مير سلطان بن فهد حفطه الله اولا وثانين الواسطات
|
| الساعة الآن 12:33 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
new notificatio by 9adq_ala7sas