منتديات الدغيرات الرسمية

من أجمل ماسمعت من الاناشيد الرائعة والهآدفةhttp://www.mazameer.com/vb/images/smilies/yes.gif

http://www.e3lamhadef.com/newsm/1360.jpg

نشيد الشايب كاملة : أنشاد سمير البشيري

http://profile.ak.fbcdn.net/hprofile..._3506701_n.jpg

قصيدة للشآعر : ظافر القحطاني(خوي المطاليق)

_^_

فيها انتقآد لحآل بعض النآس من الشيبآن والنسآء والشبآب
اترك لكم أبيات القصيدة تتحدث عن نفسها

ماني بـ ناسي قصةٍ صـارت وانـا ازورالقبـور

لازلـت افكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور

في جوف قبرٍ عن هـل الدنيـا طـواه ويعزلـه

سلّم وجا صوبي يقول : ابنشـدك يلـي تـزور

عن حالة الدنيا وعن وضع الزمان وعـن هلـه

أنا مضى وقتي ومـرّت بـي طويـلات الدهـور

والباقـي بعمـري بعيشـه بينكـم واستكملـه

قلت : الزمان اللي يبارينا علـى خبـرك يـدور

الوقت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حد الجـذور

صار انتقالٍ مـن يميـن الـى يسـار المنقلـه

استغرب الشايب من الي قلـت وبليّـا شعـور

حط اليمين اعلى الشمال وخاطـره فيـه اسئلـه

قال : افتني عن حالة الشيبان والشيـخ الوقـور

أهل الخبر والراي والحكمـه وضـرب الأمثلـه

القدوه أصحاب الأمور اللي تطـاع بكـل شـور

اللـي يفضّـون النـزاع ويحكمـون المشكلـة

قلت : البعض منهم على ما قلت في وصفك وقور

قدوة ولكن رايهـم مـا ينفـرض فـي مسألـة

الطاعة العميـا بقـا منهـا مجاملـة الحضـور

اللـي تلاقيهـا مـع اوّل فـرصـةٍ متنصّـلـة

والبعض لا عبـدٍ يخـاف الله ولا عبـدٍ شكـور

قال : افتني عن حالة الخفـرات ربّـات الخـدور

اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور

بين الفريق بـبشتهـا الضافـي وثوبٍ تسبلـه

قلت : العـذارى فـي زمنّـا زي أشكال الطيور

تقليد هرج و عرض ريـشٍ خلفهـا تستخملـه

تلبس عباةٍ ضيّقـت حـول الردايـف والخصـور

فضيحةٍ تكشف جسدها مـن علـوّه لـاسفلـه

وموضة شيالٍ تكشف الوجنات والـوان الشعـور

والمحـرم تبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور

تطبـخ لـهـا خـدّامـةٍ بالعايـلـة متوكـلـة

قال : افتني بحال الشباب الصلب صيّـاد النمـور

الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعرض الجـار سـور

البار عند امّـه وابـوه وعلـم ربعـه يشغلـه

قلت : الشباب بوقتنا وجهه مثـل بـدر البـدور

والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور

والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبـس ( كرستانديـور )

صار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )

والبل راعيها غدا يشـرب حليـب ( النستلـه )

مامنهم اللي قام دون اعـراض جيرانـه غيـور

من قام قالو , , وشـملقّف حضرته ؟ وشـدخّله

والوالدين حقوقهم ضاعت وعنهـم فـي نفـور

ان غـاب عنهـم لا تذكرهـم ولا جـاه الولـه

بدّا عليهم شلّـةٍ تهـوى الوطـا بيـن الجحـور

لو تعزله عنهم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور

حتى ابن عمّه يعرفه بالوجـه واسمـه يجهلـه

ناظر لي الشايب بعينٍ تجمـع السبـع البحـور

يقول : انا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور

ما يقعد الجمّال به ساعـه ولـو ضـاع جملـه

كلمات: ظافر القحطاني (خوي المطآليق)

اداء: سمير البشيري

لتحميل صوت mb3:

مباشر:

http://upload.shaiex.net/files/1040/509.mp3

رابط رفوف:

http://www.rofof.com/7mztdv12/Anshwd'h_alshayb.html

رابط 4shared:

<B>

http://www.4shared.com/audio/sGAFvzbl/____.html?