|
مشرفتنا بقايا صبر ضيفة على كرسي الاعتراف
|
هههههههههههههههه
جاتس يومتس الموعود كنا من زمان ننتظر هالموضوع هاه يمسك شنبه ويتوعد اذا مانشفت ريقتس من النشده اصبري علي بقايا صبر شاعرتنا نبراس فوقه علم نتمنى لك التوفيق ولنا عوده بمشئة الله امنيه كل الشكر والعرفان لشخصك الكريم |
ياهلا باختنا وشاعرتنا بقايا صبر
وتستحق المقدمه فـ شكرآ أمنيه على أختيارك .. بقايا صبر لها مكانه خاصه وحضورها رائع وحرفها مميز وهي من يسعدنا تواجدها .. وعندي سؤال واحد الحين ولي عوده على باقي الاسئله .. 1/ ماسبب أختيارك لهذا الأسم ؟ |
كل الشكر لك اختنا المبدعه أمنيه واحيي ضيفتك الكريمه الشاعره بقايا صبر ابنشــدك يـا بقايا ااالصبـر وش باقي....... .......علـى تغير بعض هالناس عن طبعه النـاس صابـه بـلا مـع طـاق طرباقي....... .......والبعض مايعرف السته من السبعه تحياتي للجميع |
السلام عليكم ورحمه الله وبركاته
ويسرني ويسعدني الجلوس على كرسي الاعتراف واجمل ترحيب بكم جميعا واتمنى ان اكون ضيفه خفيفه عليكم واشكر ام التوهيقات .. امنيه .. ولي عوده ان شاء الله الى ذلك الحين استودعكم الله الذي لاتضيع لديه الودايع |
ايوالله جابتس الله :)
بكرى الوعد ياحلوه << هالحين مصدعه من كثر ماحشيت معلومات ادعيلي انه يوفقني بالاختبار بكرى ... مشكوره منو ع الاستضافه الرائعه |
اقتباس:
مساء الخير خيي عديل وليه توعد وتفتل شنباتك علي خوفتن من الكرسي:ash31::ash31: تعوذ من ابليس يارجل ترى انا خيتك :ash39: حياك الله واتمنى انكم تسعدون بي كما انا سعيده بصحبتكم وفي انتظار عودتك بكل سرور |
اقتباس:
هلا ابو بدر تسلم والله وماعليك زود وتميزي انتم من اسسه واشرف على بنائه وكما يقول المثل العين ماتعلو على الحاجب واتمنى ان اكون عند حسن ضنكم بي.. وبالنسبه لسؤالك عن سبب اختياري لهذا الاسم كل الحكايه اني كنت .. جبال .. من الصبر وإذا بالواقع يقضي على تلك الجبال ولم يبقي لي الا بقايا قليله جدا جدا من الصبر ولهذا انا احمل هذا المعرف وهو عزيز علي لأنه المعرف الوحيد الذي يحمل كل حرف كتبته واتمنى اني اجبتك بشكل كافي ,.. |
اقتباس:
مرحبا استاذي الكريم اشكرك على تشريفك لي واتمنى اني وفقت بالرد على سؤالك
اللي تغيّر وخيّب هقوة الهاقي=ماهو كفو صحبتك ولا انت من ربعه عساه فدوه لسامي فكرك الراقي=والضيق اللي داخل فؤادك عوى سبعه وكان انت تنشد عن اللي راح والباقي=كاس الصبر مابقى فيها سوى رُبعه وسؤالك اللي يثير الجرح بأعماقي=وانا من اول همومي يجتلد ضبعه من ناسٍ اكبر طموحه قتل الاشواقي=وعلى طريق الخطأ تمشي ومتّبعه واللي عشق للمزايا العوج وانساقي=واللي تنكر لمعروفك عقب شبعه واللي تهور ولخبط جملة اوراقي=واللي يطفّي شموع أفراحنا طبعه واللي لزرع الحسد والبغض عُشاقي=والحب جاااروعليه وجفّفو نبعه على الخلافات بين الناس سباقي=ويطق لبليس بالحيلات في صبعه ولاتقول لي يابقايا الصبر كم باقي=شف كاسنا مابقى فيها سوى ربعه |
اقتباس:
هلا وغلا الله يوفقك وتجيبين اعلى الدرجات وتخرجين ونخلص من سالفه الصداع وحياك ربي بأي وقت يالغلا في انتظارك |
| الساعة الآن 08:32 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
new notificatio by 9adq_ala7sas