قبل شوي وصلتني رسالة ..
فتحتها وكانت من " جوال سبق "


الخبر يقول :


على طريقة التاثر بالافلام الغربية ..
تعرضت اسواق بندة في المجمعة فجر اليوم الى عملية سطو مسلح من لصين
قاما باقتياد حارس الامن والتحجير للعمال في غرفة مخيسة
وتشليح جوالاتهم ومن ثم الاستيلاء على مبلغ 270 الف ريال تحت تهديد السلاح
وحط رجلك ....


المضحك ان واحد من العيال قبل شوي يقول ان احد العمال يؤكد ان اللصين استخدموا اسلحى عبارة عن العاب اطفال تحاكي الواقعي جدا


وشوي الا ويطلع لك مدير شرطة المنطقة ويهايط ويقول ترانا بنجيبهم بنجيبهم ( وجه يقول احلق شنبي اذا جبتوهم )



الغريب في السرقات وعمليات السطو الاخيرة انها صارت اكثر جرأة
يعني الحرامية مثل الي يقول والله ماطقيت خبر للكل ..


اتذكر مرة واحد من العيال راح للرياض وتحديدا حي العود الشهير
يقول صليت المغرب وطلعت ابروح لسيارتي الي وقفتها بعد شارعين من المسجد
يقول شوي الا ويطلع لي 2 من احجام محمد علي كلاي
يقول قالوا لي : وين جوالك ؟؟
بقول توني ابرد ابقول ليش ؟؟
الا ذاك البوكس الي شايل 3 من اسناني الامامية
يقول بدا طعم الدم يوصل معدتي ومامداني ابقول لهم ليش ؟
الا واحد راجفني اسفل الحزام بركبته خلى عيوني وصلت فوق شنبي

ويسحب واحد منهم مخباي ويشقه وياخذ الفلوس وينطل باقي الاوراق والجوال طبعا كان معهم من يوم طيروا ضروسي

يقول كان فيه عالم تمر من جنبنا بس ولا واحد يناظر فينا
قسم بالله كننا نصور فيلم




اتذكر بعد مرة رحت لاحد الاسواق الصبح ابي اكحل
الا واشوف لك هالبنية المزيونة الي تمشي بدلع وشوي الا ...
3 شباب يجونك طايرين وينتفون شنطتها بحركة سريعة خلتها تبنط في الارض

عاد انا بدت شجاعة الفرسان عندي والحقهم
هم يخشون حارة وانا وراهم
يدخلون شارع وراهم
اخر شي الظاهر قفلت معهم ووقفوا
قالوا : وش تبي تلاحقنا ياسوبرمان
مسوي المنقذ
وطاحوا فيني طق الله لايوريك


المشكلة انا رجعت السوق ابشوف وش الوضع الا والقى العالم متجمعين على الحرمة
وماامداها تشوفني الا وتصارخ : هذا معهم ..
هذا الحرامي معهم انا شايفته يركض معهم
وكان يتابعني قبل لايسرقون خويانه الشنطة

وبدون تفاهم تلوني الشرطة على الجيب تقول يسحبون تيس
وبعد جلد محترم وكم كف صحصحوني
اتضح لهم اني برس ومالي علاقة وكل ذنبي اني بس كنت اقز واجد




السؤال ....


هالجرائم ..
وش اسبابها ؟؟
معقول البطالة ؟؟
الحاجة ؟؟
الفقر ؟؟



على فكرة ...
اتذكر مرة قريت ان دراسة في المملكة اثبتت ان 75 % من جرائم السطو والسرقة تنتهي بعبارة " ضد مجهول "



المايك لكم

منققققول