((( حملة لا للتقطيع . ولا لاكل المراة من الفضلة ))
عادة كانت منتشرة واظن زمان كانت الناس من قلة اللحم تستحي مايمدون يديهم و كان المعزب يقطع لهم تكريما لهم وطرد للحياء لكن اللحين الوضع تغير الحمد لله الخير واجد والناس تمد يديها للحم وتاكل
الشاهد ان هالعادة الشينة والغير صحية منتشرة عندنا بحائل اول ماتجلس للعشاء الا ويجيك واحد توه مصافح 30 رجال بزواج والا بعزيمة وماغسل يده ويقوم يقطع لك اللحم وانت انواع الاحراج ان مااكلت احرجته وان اكلت احرجت نفسك !
تكفون لاحد يقطع لغيره واتركوا هالعادة الشينة يدين غير نظيفه ويمكن فيها انواع الامراض الجلدية والحساسية ومصافح مجموعة من الناس ناقل كل الجراثيم والميكروبات اللي بيديهم ويجي يجلس على الاكل حتى ماكلف نفسه وغسل يده ويقوم يقطع للناس !
انا مو من عادتي اجلس للعشاء الا بحالات نادرة اما قريب او صديق خاص جدا اما غيره ابارك واطلع من جد تحملت كم مره ومااكل من اللي يقطعون لي بس شكلي بفشل اللي يقطع لي واهم شي الصحة والذوق بالاكل مو ناقص قرف
وبعدين الله يعين الحريم اللي تاكل من الفضلة والقلطة الثانية جد ماعندكم تقدير للمرأة والا وش يحد نسائنا ياكلون عقب هالاوادم انواع الاشكال اللي ماترتاح لها ولنظافتها مع كم عامل ماغسلوا ايديهم وعقبهم تدخل هالمسكينات
اقول مامثل البوفية المفتوح كلن ياخذ لنفسه وتاكل لحالك مرتاح من وصاخت ويدين غيرك وحتى الحريم تاكل جديد ماحد لمسه ولاهو فضلة احد
ليت نطلق ((( حملة لا للتقطيع . ولا لاكل المراة من الفضلة ))) لازم تحترم ويحط لها عشاء جديد اوبوفية مفتوح
م/ن/ر
|