صح السانك
وما اقول الا .....
جيت متضايق من الوقت بالحيل=وقت(ن) وطاني عقب ماني مليكه
دخلت لي موضوع عنوانه يهيل=هل اجد لي بينكم من اريكه
قلت ارحبي ترحيبة البدو بسهيل=ياللي حياتك مثل وقتي ركيكه
والدليل اسمك على رسمك يميل=الله العالم ولأحدن شريكه
لكن هلابك عد رش الهماليل=من شاعر(ن) لاقال جاد السبيكه
واعداد ماقالوا هل القيل بالقيل=واعداد ماقالوا حياتك وشيكه
وعد السفر والمال والسيل والليل=والشمس والقمرا وطعم العريكه
هذي تحيّه جابها لك على الشيل=هلال الدغيري بالخطوط السميكه