البارحة في تالي الليل محتار ... مدري وش أخذ من علوم وأخلي
من كثر همي دمعتي كنها أنهار ... بـأسباب فقد أمي دموعي تهلي
تزوج الوالد وهو مكرم الجار ... زوجه جديدة قلت ذا منوة لي
لكن علينا ياعــــرب ضاقت الدار... قامت تعاملنا بحقد وغلي
تعذيبها ياربعنا سر وجهار ... عجزت أبوصف عذاب حصلي
بأسبابها ياأصحابنا ذقنا الأمرار ... الهم لازمني كما وسط ظلي
يــــــــا خالتي خافي ترى فيه قهار...يجازي اللي في حياته يزلي
يــــــاخالتي وش ذنبنا تونا صغار ... وشلون تعذبيك علينا يحلي
الظــلم شين ماتسويه الأبرار... راعــــيه ضـــايع دايـم مايــــدلي
ضربك بعد لأختي تسبب بالأضرار...من جلسه بالبيت صارت تملي
جتني تصيح ودمعهامثل الأمطار...تشكي تحسب إن الزمن صافي لي
مافي يدي حيله ياليت الزمن دار... بس اصبري والله لهمك يجلي
ياخــــــالتي قافيك قصاف الأعمار... وحساب عالم عن صغير وجلي
يــــاليت والدنا عرف كيف يختار ... إن كان نجمه صار فوق متعلي
كلمات الشاعر / أ . عبدالرحمن العامر
لتحميل..