اقول واعبر للعقول الفهيمه=كلام حق واجب أنا نقوله
نصيحة من المسبه سليمه=والهرج الاقشر ما نحطه عموله
العبد يطلب رحمته من كريمه=ينجيه من عذاب قبره وهوله
العبد لو ينعم بحيات نعيمه=لا بد من قبر يقيس بطوله
يالعبد تر دنياك ما هي مديمه=اسلك طريق الحق واترك ميوله
اشوف شيئا انتشر به ظليمه=طرايقا ما هي طرايق رجوله
بعض الاوادم عايش في حريمه=يبيعها للناس بيع مخلوله
وإلا مثل جلاب خطو الفطيمه=يحرج بها الدلال والوقف ضوله
أهب مارداء نفس خطو اللخيمه=بسياق بنته يبي يملا عدوله
جريمه يا كبرها من جريمه=جنب كلام الله وسنه رسوله
ويله من وادي ويل وجحيمه=في ماقف الواسطه ما تنوله
وش رايكم ياهل القلوب الرحيمه=بوضع تفشاء ما تسكر خلوله
ان ما نظرتو للأمور بعزيمه=وخوف قلبي يكثرون الصموله
حق السياق وحق هاك الوليمه=يدي أرقارب بالصفاه معقوله
يا حيف بعض الناس مافيه شيمه=اسياق بنته ما يجي بالسهوله
وبوه وجده بالعصور القديمه=طلبت واحدهم ماتتدلل ذلوله
بعذر المطر لو يتزبر بغيمه=مزنه ثقيل ولا تحقق نزوله
يوم الرجال نفوسها مستقيمه=البرق يلمع والنزول نجعوله
خطو شعيب بس تسمع وشيمه=العشب واجد والمقاطين حوله