قالت : احطب .. قلت : والغابه متى كانت قريبـه/
قالت : احطب .. قلت : وين الفأس لو حصّلت غابه
قالت : احطب .. قلت : يا قصر اليدين المستريبـه/
قالت : احطب .. قلت : يا قل البصيره لإرتكابـه
قالت : البـرد إلتـوى فالضلـع ترضـى يلتويبـه/
قلت : لا .. قالت : وتتركنـي كـذا يـا للغرابـه
قلت: ملعـون الغبـاء وانتـي نجيبـه مـن نجيبـه/
وألاّ انـا وقتـي إمبهذلنـي وضيّعـت النجـابـه
لا تلوميـن النبيـه ان حاصـره همّـه وغيـبـه/
ما تطوفـه قبـل لكـن طافتـه مـن حـرْ مابـه
قالت : الجرح يتمادى عيب فـي حضـرة طبيبـه
قلت : ما باقي وريـد ودم مـن نـزف الاصابـه
قالت : احطب من شعورك والقصيد الحـي جيبـه
ودي اسمع صورتك واقراك صوت مـن الصبابـه
م....ن
|