غيابك .. مايخلي للوصال اهدوم
حضورك .. يكسو الدنيا بقطن الشام

أشوفك وانت يبغالك مسيرة يوم
واحس انك معي لو ان غيابك دام

تذكرت الوصل .. وابريلـنا المشؤوم
وطاح الدمع .. وآنا اشره عليه وقام

غيابك يزرع بصدري نخيل هموم
نضج تمر الهموم .. ولا لقى لمّام

يهيّضني الهديل .. ولا يجي لي نوم
يطوّل بي السهر.. والذكريات اعوام

يلاحقني الغراب .. ولا يغيب البوم
تعبت من الحنين وفرحي اللي نام

أمانة .. ما أبي هذا الغياب يدوم
لأن الوصل يعني : ترجع الأيام