منتديات الدغيرات الرسمية - عرض مشاركة واحدة

الملف الشخصي · 08-02-2009, 05:29 PM

اقتباس : المشاركة الأصلية كتبت بواسطة راضي المعجل [ مشاهدة المشاركة ]
ابو عبدالله إذا رحت خذني معك نبي نشتري لنا مقاضي لرمضان كتبته بالوريقة

اقتباس : المشاركة الأصلية كتبت بواسطة راضي المعجل [ مشاهدة المشاركة ]

الصغيره نبي نشتري لنا : 1
1-ذبيحة وتكون مليانه إذا ماهي ذبيحتين وحده تقاطيع والثانية مفروم.
2-كرتون زيت ابو عشرين حبه أخاف انه يقضي بس جبه.
3- خيشة طحين من أربع إلى خمس تخبر المعجنات الله يوفقك.
4- طحين خاص للبيتزا ولاتنسى الصلصه كرتون لاتفشلنا تكفى.
5-يوه نسينا الجلي والكريمات كثر من هالأشياء من خمسين إلى ميت علبه.
6- عزالله انا ما افطرنا باقي الجريش والهريس والشوربة شوفان لا اوصيك.
7-وعجينة السمبوسة وص المخبز يجيبلنا منه عشر كل عصر..
8-وأغراض الحلا اللي إنت متعود عليه حليب نستله ودريم ويب وقشطه وبسكوت وزبده
ووووووووووووووو.....
9- والبقاله نبي نوصيه على اللبن والقشطه والطحينيه ها ها ورانا رمضان لا تجوعنا
وراح ابو عبدالله الله يعينه وأستأجر له ديانا لنقل العفش آسف الأغراض من السوبر ماركت
وبنى له مخزن بالحوش للأغراض لأنه أول مره يجيب أغراض رمضان توه معرس الرجال
وسوى له بالحوش بجنب المخزن مكان للخرفان عشان عيد الفطر ذكي ابوعبدالله يلحق الغنم
قبل يسير أسعاره بالألآف وراح ابو عبدالله يتدين من هذا وهذا وبطاقات إئتمانية وخلافه
والسوبرماركات كانك بالطواف الله يعز مكة عنه والشوارع والإشارات بالساعات وهي تفتح
المهم تعب ابو عبدالله بعد ما طلع من السوبرماركت وشاف بالطريق أخو له هاديه الله
معاه ثلاث اكياس بس استغرب ابو عبدالله وأخوه بعد استغرب من ابو عبدالله
قال له اخوه ابو عبدالله انت رايح بالأغراض للجمعيه الخيرية قال لا افا والله هذي أغراض
رمضان لحقته قبل تخلص قال اخوه ليش المحلات تبي تسكر برمضان قال لا بس الناس
كله تسوي كذا قال ابوعبدالله لخوه وانت برمضان يكفيك انت وعيالك هالكيسين
قال الحمدلله اذا خلصت رحت وجبت غيره والأيام يابو عبدالله ماتغيرت رمضان شهر عباده
ماهوشهر أكل ونوم اقتنع ابو عبدالله من كلام اخوه لكن قال من يقنع المصيبة اللي بالبيت
تحسب بوش يبي يطبح علينا آسف اوباما وقام ابو عبدالله يردد :
دع الايام تفعل ماتشاء .....وطب نفساً إذا حل القضاء

قصه طريفه تعبر عن واقع الحال في رمضان

بارك الله فيكم أخي راضي

لكم اطيب المنى واسلموا لأخيكم

إحصائية مشاركات »
عدد المواضيـع :
عدد الـــــــردود :
المجمــــــــــوع :	2,774