حايل غلاها ياهلي زاد حده

خطر ٍ على قلبي يفيض بغلاها

حايل لها بالقلب عز وموده

ضلعه ذبحني مع نسايم هواها

اجا وسلمى والجبال المصده

والتربة اللي ماشكا من وطاها

والمنظر اللي كل عين ..توده

موجود في حايل وحتى قراها

دار الكرم والضيف محدٍ يرده

ارداهم اللي للمعالي خذاها

عندي ولايقارن هواها بجده

والبحر الاحمر مايعانق سماها

حق ٍ علي والحق لازم اعده

كم علة ٍ بديار حايل دواها

يالله بمزن ٍ والهبايب تحده

يمطر على حايل ويروي ظماها