أختي همس

يقولون

أسئل مجرب ولاتسئل طبيب

طبعاً أنا من هالمنطلق سئلت لك أحد خوياي متزوج ثلاث حريم

وكل ماأشوفه أقول أهب وجه والله من قو الحيل هههههههه

ودي أنحته بس ماااااش عيني باااارده

سألته وقلت

أنت الحين يوم أنك راز نفسك بثلاث حريم ليه

كل هذا فحوله (( حاجه)) والا نذخ ههههه

طبعاً نذخ تصور تقريبي لتفسير كلمة ( ترف )..؟؟

قال لا والله لاهي فحوله ولا نذخ

بالبدايه كانت زعل بيني وبين الأولى وحلفت الا أدقمه دقم وفعلاً أخذت عليها

الثانيه ويوم شفتة الثنتين بدن يتفقن علي بكثير من الأمور وأشوفهن دايم مع بعض

قلت الحين جاء دور الثالثه وفعلاً جبته هههههههه طبعاً هو يقول دايم الثالثه تفرق ماتجمع

ولابد من الثالثه في حال أتفاق الثنتين عليك

قلت يعني الدعوه تحدي

قال مثل كذا

قلت طيب وشلون أهل البنات يزوجون رجال متزوج طيب أن قلنا معه مره وحده نمشيها

بس اللي معه زوجتين وشلون يزوجونه مره ثالثه ....

طبعاً خويي على قد حاله

وراتبه ياالله يكفي بيت واحد

قال ياأبوراكان أنا تزوجة الأولى من بنات عمي والثانيه والثالثه بعيدات عني

وكلن يبي يستر على بنته قلت صح كلن يبي يستر على بنته بس أنت ياالله تعيش بيت واحد

وشلون قدرت تمشي نفسك

قال يابعدي لاتحسب كلن تجي ومعه رزقه

حسيت أنه يشخذ بهن ههههههههه

...............


هنا نعرف أن للزواج المتعدد عدت ظروف ولايحكمها ظرفين فقط مثل الحاجه أو الترف

هذه نبذه بسيطه من حديثي مع أبو البناااات

وتسلمون