مكة وانفلونزا الشحادات

مدخل :

دراهمنا خذاها من جعل له مسكنه مكة=يعل الموت ياخذهم شلل جتنا من افريقيا
يجيك برجل مقطوعه وعين بقطنتن صكه=ومسؤل التسول بين دله هيل وأبريقيا
ومواقف ماتلاقي وان وقفت الونش لك عكه= على ظهره مواترنا وانا اللي ناشفٍ ريقيا

يمكن القصيدة بينت المكنون وفاضت عن قريحة المجنون ولكن هذه الحقيقة المره
بلاد الحرمين صارت مرتع للتسول والتناقضات الهدامه كنت بأحد الأيام برفقة عائلتي
برحلة إلى \\\\ مكة شرفها الله ويوم وقفت سيارتي الخاصة في مكان أظنه نظامي
ورحت واعتمرت والكل يعرف التعب بعد السفر والعمرة اللي يجيك واتجهت بسرعه للسيارة
من كثر الشحادات اللي بالطريق هذي تعطيه خمسه وهذي عشره وهذي من القهر تتفل بوجهه
وهذي ماتفكك تقول غرى أمريكي لين تعطيه ركله خلفيه وسوبلكس رائع والدعوة ماهي جوع وفقر صارت وظيفة المهم رحت للسيارة وما لقيته قال لي العسكري شفه بالحجز
ادفع وعنك الحجز نرفع ابتزاز بمعنى الكلمة تقول انك بمجاعه منت بالسعودية
من كل مكان يمصون ريالك وبنفس الوقت قابلت المشرف عن الحجز وقلت له
ليه ما تسوون حجز للشحادات اللي جايات بدون نظام وانتم فالحين بشيل سيارات
اهل البلد واللي جاي من الاف الأميال عشان يلقى الراحة بأداء المناسك
طالعلي المسؤل وقال حرام عليك تبي تقطع ارزاق العالم طالعتله وقلت
عجيب الحين حنا ما حنا من العالم حنا جايين من كوكب اخر دفعت الخمسين
ورحت للشقة وانا اتمنى بالجيه الثانية اذا من انسجنا من الدين تنتهي هالظاهره
ودمتم بحفظ الرحمن وان يعوضنا الله بدال جنه جنان

[/SIZE][/grade]

اي والله انك صدقت بها القصه
وتحس انك مو عايش بالسعوديه صاروا اكثر من اهلها
ومسوين زحمه ولافي امان اذا شفتهم
وياليت بس على شحادت الفلوس اهم شي مايخطفون أطفالنا
ولا الفلوس تنعوض أن شاء الله
وانا بصراحه احس انه فوضه ولافي نظام زي باقي مناطق المملكه
ليش؟ مع أنها أطهر أرض
والي يزورونه عباد الله يعني من المفروض ان يوفرون سبل الراحه
للمعتمرين مولدرجت ان مجرد الشخص ما يخلص مناسك عمرته
يطلع على طول من مكه ولايجلس فيها دقيقه

والله اخوي راضي صادق بكل كلمه كتبته بس
وين اللي يفهمون
وبدل مايرحلون العرب اللي عندنا يرحلونهم صارو عاله علينا
الف شكر

أبوروز الشحاذه صارت من أفضل المهن اللتي تؤدي للغنى السريع وبأفريقيا هناك مؤسسات تعني بهذا العمل ومره شفت مقطع بلوتوث يصور كيف تتم هذه الشغله وبدايتها تكون بأصطياد الأطفال والنساء المتــشـــردات ومن ثم يجلبوهم وكأنهم أغنام ومن ثم يبدأون بتقطيع أيديهم وأرجلهم حسب ألأوامر اللتي يصدرها كبيرهم ويكون معهم دكتور من أجل معاينة الحاله قبل وبعد البتر شي مرعب يجعلك تحقد علي تلك المؤسسات الدنيئه طبعاً بعد البتر يبدأون بتدريبهم على أسلوب الشحاذه ومن ثم ينقلونهم الى بلاد الحرمين بسفن شراعيه وطبعاً هناك تعاون واضح من بعض دوريات خفر السواحل وهذا يتبين من أعدادهم الكبيره ببلاد الحرمين .. تسلم أبوروز

لاحول ولاقووه الا بالله

والله مصيبه

لاهنت ابو راكان على التعقيب الجميل وفعلا كلامك عين الصواب وانا سمعت نفس الكلام

ولكن الدوله مو عاجزه تقضي على المشاكل اللي احسها على الدوله انها صغيره جدا جدا

بس مدري وش السبب انها تتركهم فيه قصد والله اعلم

ولاهنت راضي على الموضوع

الشكر لكم وعلى ردودكم التي تدل
على وعي أصحابها للخطر القادم

والله انهم كرهونا بالعمرة وشوفة بيت الله الحرام

لكن وش اللي مخلي الدولة تتركهم هذا اللي ماني قادر افهمه

الحمدالله انه وصل مقصدي يانافع الزعيلي
الله والعالم انه في سبب الدولة قضت على الغرهاب مهو
عاد هالشحادات شاكر ومقدر مرورك