فلآنه محجوزه لـ فلآن ~ فلآن محجوز لـ فلآنـه..!

دعوة للنقآشَ ..



( الحبر يخلص وقضايا مجتمعنا ماتخلص )
نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )
وتلقى فلآن مآيحب سيرة أفلانه ... كذآ لأنه يحس بأنه مجبور عليهآ << ماعلينا
نكمل ...

* يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها
* في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..
ساءت الحاله بين العائلتين .. والبنت توهقـت وراحت فيها حتي الخطاب مايدقون بابهم لأنهم يعرفون انها محجوزة لفلان وضاعت البنت مع ضياع هذا الحجز ..
* بنت يتيمة وحيدة..حجزها عمها لولده ..لانه مايبيه تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان

قصص تبكي القلوب .. وأحلام تضيع في قرار
أمال وأمنيات تتبخر ..
بصراحة انا احس ان الحجز فيه ظلم للبنت >>يعني مارضاه لختي
خصوصا ان الولد لو كبر وغير رايه مايتأثر
وفوق كل هذا معد يجيها خطاب لانهم يعرفوا انها محجوزة لفلان
ممكن الشاب يتأثر لان اهله اختاروا له شريكة حياته
وحجزوه له ..


يخلص الحبر والكلام مايخلص ..

الزبدهـ

من المذنب في هذا كله..؟
الشاب ، الشابه ، الأهل ، العادات والتقاليد ؟؟
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
وانت ايها الشاب مارأيك في مسألة الحجز وان تكون محجوز لفتاة ؟؟
واذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وهل هذا الشي موجود في عائلتكم ؟؟ وماموقفكم منه ؟؟

بـ إنتظاار آرائكم
أخوكمــ..

اقتباس :

الزبدهـ من المذنب في هذا كله..؟ الشاب ، الشابه ، الأهل ، العادات والتقاليد ؟؟ ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟ وانت ايها الشاب مارأيك في مسألة الحجز وان تكون محجوز لفتاة ؟؟ واذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟ وهل هذا الشي موجود في عائلتكم ؟؟ وماموقفكم منه ؟؟ بـ إنتظاار آرائكم أخوكمــ..

أكيد المذنب هو العادات والتقاليد وهذا الامر لايمنع الاهل من تحمل المسؤليه لأنهم هم من أحيوا تلك العوائد والتقاليد بالتمسك بها وأبشرك الان شبه أنقرضة عاده الحجر لأن الناس وعت وفهمت وتعلمت... شكراً أخي سفير شمر وبأنتظار جديدك وعساك دوم على القوه..!!!

شاكر مرورك يالغالي

هذا الموضوع بالنسبة لي بعد شكرك علية يعتبر عااادي هناك مواضيع اكبر من هذا المواضيع يجب التكلم بها

مثلا غلا المهور الى متى وحنا اذا اعرس الواحد صااار يسدد باقساط العرس لمدة لا تقل عن سبع سنوات

ولا والمصيبة اذا اعرس الواحد وما توفق فية عرسة يعني هذا قضاء وقدر لكن ما ذنب هذا المسكين بتحمل خسااائر هذا لمصيبة

ومن ثم يدخل في معمعهـ ثانية

اقول مثل هذا المواضيع يجب اصدار قرارات لها من امراء وكباار القبائل لكي يوقفو هذا المهزلة الدائرية التي لا تنتهي الى الابد

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،

النبي صلى الله عليه وسلم قد بين لنا عمليا أمره وتوجيهه عليه الصلاة والسلام للأمة بتيسير الموضوع وتيسير أمور النكاح، وقال عليه الصلاة والسلام : "أيسرهن مهرا أكثرهن بركة"


تقبل خالص التحية اخي الكريم

شاكر مرورك
واعدك بمثل هاذه المواضيع

من المذنب في هذا كله..؟
الشاب ، الشابه ، الأهل ، العادات والتقاليد ؟؟
العادات والتقاليد هي اللي حاكمه الموضوع بــ70% بس لكل زمان طرقه واساليبه اول بيحجزونها لان كانو القبيله او الفخذ بمكان واحد وطول عمرهم مع بعض وبكذا يحجزها لولد عمها
والان لا تغيرت النااس واختلطت مع بعضها واللحين تنتقل من مدينه لمدينه للمعيشه او وظيفه يعني صعبه التحجير لبنت العم
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
اتوقع الاب هو اللي له الكمله الاخيره واتوقع ماراح يطلع من شوره الا اذا اعطى الضوء الاخضر بكذا فلان يقرر
وانت ايها الشاب مارأيك في مسألة الحجز وان تكون محجوز لفتاة ؟؟
لا ارفض صراحه لاني وش ذنبي انا يحجزني لبنت لمده عشرين سنه او اكثر وهي بعد وش ذنبها تنحجز لي طيب واذا انا غير عاقل او مرض نفسيا وش ذنبها هي تصير لي والعكس صحيح
وهل هذا الشي موجود في عائلتكم ؟؟ وماموقفكم منه ؟؟
لا ولله الحمد غير موجود

الف شكر على الموضوع الرائع ياسفير شمر وماقصرت