بعض من أنواع الرسائل التي ترد للمشرفين ؟؟؟؟؟؟؟

	حياكم الله وأتمنى من كافة الاخوة المشاركة والتفاعل .. هذا احد المشرفين ... والله يكسروون الخاطر مايستاهلوون شوفوا الرسايل ونوعيتها الي توصل للمشرفين .. الرسالة الأولى : كيفك مشرفنا .. اقولك تكفى ترى أنا اضفت موضوع بس مدري شكله نزل ثلاث مرات بالغلط ... أحذف أي واحد فيهم .. اللي يعجبك أنت بس أشر واحذف .. (( هالنوعية يعني مؤدب )) الرسالة الثانية : هلا مشرفنا .. اقول شووف ترى في عضو قاعد كل موضوع يرد علي ويهينني قدام الأعضاء .... ترى لو ما سكته بسوي شي عمره ماصار واقلبلكم المنتدى .. وقد اعذر من انذر ... (( هذي النوعية خطرة )) الرسالة الثالثة : ياااأبو الشبااااااااااااب ألحقني كل ما أدخل المنتدى يطلعني بره ومو راضي يدخلني وش الحكاية لا يكون الدخول بفلوس (( شوف وش مسوي أول بعدين تكلم )) الرسالة الرابعة : هاااي مشرفنا ممكن لو سمحت تعدل اسمي من الحلوة الى ملكة جمال المنتديات <<<<<<<< الرسالة الخامسة: كيفك عمري عساك مبسوط .. الصراحة شخصيتك عاجبتني ولك هيببة في المنتدى بس ياريت يعني اذا نزلت موضوع ثبتلي اياه ترى انا زعلانة محد يثبتلي مواضيعي الرسالة السادسة : ابوي اقول شووف ا نا لا راح أسلم عليك ولا شي ... انت أصلاُ ماتستاهل كل ما انزل موضوع تحذفه لي .. عجيب والله ياخي مافيها شي لو الواحد يضحك شوية نمزح مع هندي ولا باكستاني .. ايزي يااخييييي (( هذا يا مواضيعه مكرره يا ساب الأمة العربية )) الرسالة السابعة : مساك الله بالخير يالمشرف المنتدى اخوي الصراحة انا مكسوف منك ودي أطلب طلب بسيط ... يعني انا ودي اتعرف كيف المشرف يتعامل مع المواضيع وكيف الطريقة ... يعني بالعربي الفصيح ودي الباسوورد حق نك نيمك اذا تكرمت ... الرسالة الثامنة : ياخي تراك زودتها شايف نفسك علينا وكل مانكلمك ما تعطينا وجه ... ياخي ترى الاشراف مو يعني صرت ملك استح على وجهك بالله .. قال مشرف قاال انت أصلاً مسؤل عنا يعني تخدمنا .. اقوول يالله جيب واحد شاااي <<<<<<< صحيح مايستحي على خشمه (( هالنوعية لو تقلب وجهها أحسن )) الرسالة التاسعة: ....... كيفك .. عرفتني أنا ........ كلك زووووووووء ... أقول كلمني عالمسنجر ضروري بااااااااااي .. (( حدها فري )) الرسالة العاشرة: (من المشرف العام) السلام عليكم ..أخي ....... الاحظ هالأيام كثرة الشكاوي من الأعضاء وكثرة المشاكل .... أرجوا تهدئة الأمور بأسرع وقت .. وإن شاء الله تسوي أي شي لمصلحة المنتدى .... طبعا صاحبنا جن وقعد وبعد هذا كله طلب استقالته فورا وريح دماغه وبعد يومين جاه طلب اشراف في منتدى ثاني قال لو يعطوني راتب 1000000 في الشهر ماراح اوافق ههههه الحاديه عشر.. يا مشرفي العزيز كيفك اخبااارك ممكن طلب صغير بالحيل اولاً ابي اصير مشرف مثلك وبأسرع وقت <<< توه مشترك ومشاركاته ماوصلت 10 ثانياً ابي توقيع غير شكل لان اللي تسوي توقيع تقول بعد اسبوع الحين زحمة وتقول تبي تحط اسمها وانا مابي وتقول لازم مشاركاتي توصل1000 و يومها باكون تزوجت وجاني اطفال وانا توني ماوصلت 30 ثالثاً ابيك تعرفني عالاداره فرداً فرد رابعاً ابي اكون مميز وغير ولي اسمي ومكانتي وياليت ياااليت اصير من ضمن الاداره <<<< كل هذا ويقول طلب صغير (( غلطان... ليش ما تسجل المنتدى بأسمك أحسن )) كيف حالك إن شاء الله دائما بخير ؟ وهذه رسالة وردتني شخصياً رداً على رسالتي لأحد الأخوات اطلب منها ازالة الصورة الرمزية والتوقيع كونها مخالفة لقوانين المنتدى .... وعليكم السلام اسمع اخوي النوري وش فيها الصورة الرمزية والتوقيع بعدين هذي امور خاصة وما اسمح لاحد يتدخل فيها والكلام في الموضوع انتهى ... انتظر مالديكم ..... دمتم

ابوالنوري

الله يعين المشرفين على مواجع الإشراف

ومشاكل البعض ممن يجهل أمور المنتديات

موضوع مميز

تقبل مروري

اقتباس : المشاركة الأصلية كتبت بواسطة أبوعبدالله الشمري [ مشاهدة المشاركة ]

ابوالنوري الله يعين المشرفين على مواجع الإشراف ومشاكل البعض ممن يجهل أمور المنتديات موضوع مميز تقبل مروري

هلا ابو عبدالله

مشكور على المرور يابعد حيي

لك وافر التقدير

هلا بنبراسنا ابو النوري

اما انا حالتي لاتسر لاصديق ولا عدو ماسك الرقابة على اكثر من منتدى وحالتي حاله

كل هالمشاكل يتوجب علي ان اتدخل واحله لدرجة انه نوب يصير الطق براسي

وصار لي مثل موقفك بخصوص التواقيع ارسلت مره لعضوه بااحد المنتديات

وقلت له يااختي الكريمة توقيعك اول شي منافي لديننا الاسلامي وثاني شي قوانين المنتدى لاتسمح بمثل هذه التواقيع

فاللي صار ان هالعضوة زعلت وتركت المنتدى وقومت علي الادارة وقعدتها واخلص تنشب

صراحة الله يعين المشرفين والمراقبين ... المواقف كثيرة

تحيتي لك يالغالي

اقتباس : المشاركة الأصلية كتبت بواسطة بندر الشايع [ مشاهدة المشاركة ]

هلا بنبراسنا ابو النوري اما انا حالتي لاتسر لاصديق ولا عدو ماسك الرقابة على اكثر من منتدى وحالتي حاله كل هالمشاكل يتوجب علي ان اتدخل واحله لدرجة انه نوب يصير الطق براسي وصار لي مثل موقفك بخصوص التواقيع ارسلت مره لعضوه بااحد المنتديات وقلت له يااختي الكريمة توقيعك اول شي منافي لديننا الاسلامي وثاني شي قوانين المنتدى لاتسمح بمثل هذه التواقيع فاللي صار ان هالعضوة زعلت وتركت المنتدى وقومت علي الادارة وقعدتها واخلص تنشب صراحة الله يعين المشرفين والمراقبين ... المواقف كثيرة تحيتي لك يالغالي

هلا بالغالي بندر وكان الله في عونكم

ومشكور يابعد حيي على المرور والاضافة الرائعة

دمت كما تحب اخي

الله يدفع البلا كل هذي هالرسائل تجيكم الله يعينكم ويوفقكم على اشراف هذا الصرح العظيم ونتمنى لكم التوفيق والسداد

اقتباس : المشاركة الأصلية كتبت بواسطة عاشق الزعيم [ مشاهدة المشاركة ]

الله يدفع البلا كل هذي هالرسائل تجيكم الله يعينكم ويوفقكم على اشراف هذا الصرح العظيم ونتمنى لكم التوفيق والسداد

اشكر مرورك العطر ياعاشق الزعيم

وكان الله في عون المشرفين والمراقبين

لك تحيتي

الله يعينكم بعونه.

معانين ... وما خفي أعظم.

شكراً لكم جميعاً.

اقتباس : المشاركة الأصلية كتبت بواسطة عاشق الغربة [ مشاهدة المشاركة ]

الله يعينكم بعونه. معانين ... وما خفي أعظم. شكراً لكم جميعاً.

اشكر مرورك الكريم يا عاشق الغربة

أطاب الله ذكرك وأدام سعادتك

الرسالة الثالثة :

ياااأبو الشبااااااااااااب ألحقني كل ما أدخل المنتدى يطلعني بره ومو راضي يدخلني وش الحكاية

لا يكون الدخول بفلوس (( شوف وش مسوي أول بعدين تكلم ))

هههههههههههههههههههههه هذا لو تقوله ادفع دفع هههههههه

لاهنت على الفرفشه يابو النوري ولاعدمناك