احراج ولد امام والده أبي رايكم باللي حصل

صار موقف قبل فتره وابي اقوله لكم يمكن اني حسيت به اني احرجت شخص

القصه جاني واحد يبي له موضوع عندي طبعا ومعه ولده المهم كل ماقام الوالد يبي يتكلم قام الابن ونط بحلق ابوه حسيت انه ملقوف وحبيت احرجه وقمت اسأله قام الابن يقول واثنا كلامه صار يردد كلمه انا مااااااااااااحبها خصوصاً انه عندنا درجه في منطقة حائل ( كلمة الشايب )
ودائما اسمعه يقول (( الشايب راح الشايب )) المهم قلتله وابوه جالس ونا والله ماعرفهم الأبو والابن ( مهو عيب عليك تقول لبوك الشايب ) قال الولد ولا توقع اني اقوله عيب ( لا عادي ) يخوي ابوك مشالله انت وياه تقل اخوان ولا احسدكم قال ايه بس ..... قال ابوه عيال اخر زمن لامنه قام يتكلم الولد قال الشيب ( طبعا جلسنا وكنت اتابع تحركات الولد ) انحرج وصار بس سااااااااكت ماتكلم الين رحو من عندي .
انا يمكن اني غلطان لكن حبيت اعرف وجهة نظركم .

ماقصرت

وهذا العمل جيد جدا

جيل لايوجب الاباء

لك تحيتي

شكرا على هالموضوع الرائع

لا

مانت غلطان وتؤجر إن شاء الله .. بعض الأولاد عندهم سوء تربية سواء مع والديهم او مع منهم أكبر منهم سنا .. والنصح والتعليم والإرشاد واجب مثل هذه الحالات ، وكان يجب على الوالد قبل غيره القيام بهذه المسؤلية .. وفقك الله اخي الرادو .. لك تحياتي.

أنا أظن أخوي الغالي الرادو الغلط والبلا والجلا والعله بالشايب وليس بالولد لأن الشايب هو من جاب الولد ولا أحسن تربيته على الصح والغلط وليه مايعلمه أن إذا صرنا عند الرجال لا تحكي إلياما تحكم نفسك وتعرف وش أنت تقول ويوجهه على كل غلط يصير وهذي التربيه والتعليم كيف تعلمنا بدون الغلط مانستطيع نتعلم ألا نغلط ونوجه من قبل (شيباننا)للصحيح ولكن مع إحترامي لضيوفك ولجنابك الكريم الشايب ماعنده سالفة ...

أما بالنسبه لك أخوي الغالي لو كنت قلتها بطريقة غير ماذكرك بتوجيهك السؤال له بأن هذا عيب يعني تكون أفضل من أن تقوله له أمام أبوه ويعتبر تعدي منك على أبوه إذا بدر من الولد غلط فهو كما ذكرت البلا بالشايب ما أجاد تربيته .

عموماً أن النصيحة أو التوجيه أمام الناس لا أقول غلط ولاكن لا يعتبر نصح أو توجيه إلا كما ذكرت في كلامك أن أردت بذلك إحراجة والأحراج لا يأتي لصاحبه إلا بالحقد والكراهية خصوصاً إذا كان في عمر صغير .

وبعدين الحقيقه من وجهه نظري ماغلط غلط كبير بقولته شايب لإن الشيب وقار وليس عار وهو صادق حنا إليامن الواحد منا إنظام تنخا وقال أنا ولد الشايب .....

لكي ودي وتقديري ،،، وتقبل وجهه نظري فهي تبقى وجهه نظري ..... مع خالص التقدير ////

شـكــ وبارك الله فيك ـــرا لك ... لك مني أجمل تحية .

يعطيك العافية أخوي الرادو

أنا رأيي بأنك مقدي بكلمتك خله يتأدب على شان إذا صار عند أحد غيرك يتذكر كلمتك له ويخاف بأن تكرر له الكلمة مره ثانية

تقبل مروري

ودمت بسلام