حقائق مؤلمه ..!! (( احصائيه خليجيه ))

اقتباس : المشاركة الأصلية كتبت بواسطة ريناد [ مشاهدة المشاركة ]

الحمد لله على كل حال بس اللي يصير شي يقهر السعوديه من أغنى دول العالم هذا إذا أنه مو الأغنى والناس مايلقون شي ياكلونه شوفوا الأحياء الفقيره بجميع المدن شي يكسر القلب وفلوس السعوديه تروح تبرعات للدول الأخرى ‏ وحنا الإتصالات تكفينا والكهرب مثله واللي غيره واللي غيره وبكرى كلنا الله أعلم بحالنا ‏ لايعطونا‏ ‏شي بس يفكونا من شرهم هذا اللي نبيه‏ تسلم أخوي طير شلوى على الموضوع اللي فعلآ يستحق النقاش

اختي ريناد نورتي الصفحه بمروك العطر

اما من ناحيه من اغنى فالسعوديه اغنى دوله بالعالم واكبر مخزون نفط في لعالم لديها

وسكانها مع ذلك لايتجاوزون 22 مليون ..


بذكر قصه لا احد الرجال اللي فيهم خير اعرفه معرفه شخصيه

ودليل على الفقر المجحف

هاذا الرجل من اهالي منطقه حائل

يقول في احد الايام كنت واقف عند اشارهـ وجاء طفل صغير يشحذ

يقول اعطيته 10 ريالات وراح الولد يركض يقول تبعت الولد الين ماوصل بقاله ودخل

يقول توقعت انه بيشتري دخان او زي كذا يقول طلع معاهـ كيس فيه دجاجه وراح يمشي

في الحارات يقول تبعته الين مادخل بيت يقول متهالك في حي العزيزيه

يقول دخل وجيت بدخل وراهـ الا باب البيت مكسور بس منزل على الواجهه

يقول لو قالوا لك في البيت حيوانات ماتصدق ان الحيوانات تصبر على هالمكان

يقول حركت الباب شوي وادخل الا اسمع صوت يقول دخلت واشوف شايب

عمرهـ مايقل عن الـ 85 وحالته الصحيه صعبه شوي

وفي عجووز وسلمت عليهم وجلس معاهم .. يقول استغربت من الولد اللي عندهم بالعمر

وسالت طلع ولد ولدهم المتوفى بحادث سيارهـ ماعندهم الا هو يطلع يشحذ احيان يحصل لهم

قيمه دجاجه ياكلونها واذا ماحصل ناموا على جوعهم

والحين الرجال جزاهـ الله خير ممشي راتب شهري لهم 2000 ريال

مع ان راتبه اجماليه 5700 ريال ,, يعني يادوب يكفيه

قصه حقيقه واقسم بالله في منطقه حائل ,,, اللله يعين جميع المحتاجين


تحياتي لك ريناد دمتي بخير