من وسط النفود ... قصيدة خلف مشعان بجبة وحايل وشمر ..

قصيدة خلف مشعان بجبه وحائل مباشرة من مخيم وسط النفود ننقلها لكم مباشره..



الطيب طير ..ماكـره عالـي الجـال
تكـفـخ جناحـيـنـه بـكــل القـبـايـل


ماهو بحصري فـي قبيلـة ومنـزال
ومن يحصره في ذمة الشعر عايل


كل خذا قسمه من الصيت واختـال
بافعـال ربعـه بيـن صايـل وجايـل


وانا علـى مبـدا التفاخـر بالامثـال
ابـتـكـل بالله واســـوق الـجـزايــل


مـنـي لأهــل جـبـه ســلام بـمـوال
من هاجس اللي مايعـرف يتحايـل


مالـي بيـا ليـحـي ولالــي بيـامـال
لي الحـدا مـن فـوق قـب الاصايـل


لاصرت بين جبـال ومقابـل جبـال
ومتكـايـف مابـيـن شـمـر ووايـــل


قبيلتـيـن ضمـهـا طـيــب الافـعــال
وصارن قبيله فـي عيـون القبايـل


عينين في راسي ومن فوقه عقال
مـن ويـن ماناظـرت تلـقـاه مـايـل


تدرون ليه المعصب بروسنا مـال
من زود مافيهـا شمـوخ وصمايـل


هذا الصحيح اللي مهو قـول يقـال
من طيبهـم طابـت جزيـل المثايـل


قالو قبل رمح البناخي على الخال
وانــا كـسـرت القـاعـده بـالـدلايـل


ماعمرها اتفقت علـى حـب رجـال
الا عـلــي بـفـضـل رب الفـضـايـل


دونك مثل يغنيك عـن كـل الامثـال
ماعقـب عرعـر غير/ياغيـر حائـل