هذا ماحدث لي اليوم بصيدلية الــ........ شي غريب فعلاً ...!!

[تــوأم الــعــز]

:ash41:اليوم الساعه التاسعه مساءً دخلت الصيدليه بشتري بعض ادويه الزكام لأحد الاصدقاء ولم يكن
بالصيدليه الا أنا والصيدلي وأخذت أشرح له حالة صديقي فقال بسيطه أنا راح أعطيك بعض الادويه وأن شاء الله راح تتحسن حالته وفجأه دخلت أحدى النساء وقالت للصيدلي وهو يكلمني هيه عندك حليب بروميل الصيدلي قال شوفي الرف ده فيه كل أنواع الحليب طبعاً الصيدلي أخذ يشرح لي كم مره يستخدم الدواء وهو يشرح الا الحرمه بحلقه وهي تقول.. مالقيت بروميل قال يعني خلص والله أسف شوفي صيدليه ثانيه فردت وليه ياحمار ماتجيبون بروميل يعني بس ودكم تتعبوني طبعاً الصيدلي صابته الدهشه وقال بتقولي أيه فردت عليه نفس الكلام طبعاً أنا تفاجأة
معقوله فرد الصيدلي الحماره أنتي ياقليلة الادب فأخذت أحد أنواع الحليب ورمته على الصيدلي
طبعاً أنا ماتمالكت أعصابي ونويت أصفقه بس قلت ياولد خلك حليم.. فقلت يابنت الصيدليه مافيها بروميل.. زين ليه ماتدورينه بأحد الصيدليات الثانيه.. قالت وأنت وش دخلك.. يوم ضاع وجهي قلت عز الله أنه ماكذب هالصيدلي يالحماره الخلى بس الخلى أنا قلت هالكلمتين يوم جتك
يمي وش تقول قلت اللي سمعتيه يالخبله قالت هذا وأنت سعودي وتقول هالكلام وش خليت للأجنبي وهي تدنه بكوه هههههههه قلت ربي لك الحمد أنا يوم أقبلت علي أحسبه تبي تبلاني وهمن العن جدفه قلت لها يامره وش عندك بالضبط وش اللي تبينه..؟؟؟

قالت أنا ساكنه هنا وهذي أقرب صيدليه لبيتنا وزوجي خذوه يم مكه عسكري وأهلي يبعدون عني حولي الــ100 كيلوا والولد يبكي يبي يرضع والحليب مخلص ولاينفع له الا بروميل قلت زين بعد عشر دقايق القاك عند باب الصيدليه بروح أدورلك بروميل وارجع وفعلاً رحت وجبت لها بروميل وأعطيتها فقالت الله يعطيك العافيه قسم بالله أن الولد مات من الصياح فقلت ياأختي الغلط عليك وعلى والده اللي راح وهو ماأمن لكم أبسط الاساسيات وقامت تبكي مره ثانيه وهي تقول والله أني متأسفه ودخلت على الصيدلي وقالت أنا أسفه وطلعت وراحت لبيتها الله يستر عليها وعلى ولايانا...!!!

وش تقولون باللي صار..؟؟؟

[محمد الجذل]

والله يابو راكان مادري مشكلة كبيرة ؟؟؟

بس تصرفك جيد جداً وبيض الله وجهك وجزاك الله خير

بس هي وش علامه معصبه على طول :ash59:يمكن فيها (( مرض نفسي))

الله يديم الستر والعافية

[*ناايف الموزان*]

والله شئ غريب فعلاً وعجيب...الي اعرفه أنه الي محتاج للمساعده يتكلم على الاقل او يطلب من الصيدلي بنفسه ولا يرفع الصوت ..
والوم كله على الزوج لانه مهما كان هذي حرمه..ولزوم يئمن لهم كل شئ..

جزاك الله الف خير.. وبارك الله فيك ابو راكان... ماسويته مع الحرمه موقف يرفع الرآس وأنا اخوك.

((فردت وليه ياحمار ماتجيبون بروميل يعني بس ودكم تتعبوني):ash31::ash31:

[الدغيري]

حينما تكون " كلكم راع وكلكم مسؤؤل عن رعيته " عبادة نتعبد بها الى الله ربما حينها يمكننا أن نلحظ شمس التقدم تشرق على امتنا الاسلاميه
مديرنا الفاضل / ابوركان
اعتقد ان كل المسؤلية تقع على الزوج
هذا الموقف ممكن ان يكون بسيط نوعا ما
لكن هناك امور اعظم لاقدر الله مثل مرض احد الاطفال او حدوث مشكلة اخرى

مااقدر اقول الاحسبنا الله ونعم الوكيل
وجزاك الله خيرا على موقفك النبيل

تقبل مروري

[عبدالله الزومان]

http://www.up-3rb.net/uploads/images/3rb-ae70b5c964.gif (http://www.up-3rb.net/uploads/images/3rb-ae70b5c964.gif)

ابو راكااااان
ما شاء الله عليك يا قو صبرك !!!

الله لا يبلانا .. الناس ما عاد تستحي والله
لكن المفترض يكون فيه اخلاق للتعامل مع الناس

إنما الأمم الأخلاق ما بقيت ...
.... فإن همُ ذهبت اخلاقهم ذهبو ...

وجزاك الله خير على المساعدة ويمكن عندها ظروف
خلتها تفقد السيطرة على اعصابها يوم ما لقت الحليب


http://www.up-3rb.net/uploads/images/3rb-57cd135926.gif (http://www.up-3rb.net/uploads/images/3rb-57cd135926.gif)

[العلياني الدغيري]

مشكوور على الموضوع
والله كان تصرف ذكي منك

[بندر الشايع]

ماتنلام المراه عنده وغد ويصيح ذابحوه الجوع وعليه ضغوطات وزوجه ماشي لمكه ومخليهم

لكن ماتاصل انه تتكلم على هالمصري بالطريقه هذي

واللي اعجبن يابو راكان هو تصرفك الطيب

جزاك الله خير

تحيتي

[مًـِّآجًـِّدً آلمًـِّوٍزٍآنْ]

بيض الله وجهك يالغالي وماقصرت

وانا احط اللوم على زوجها اللي ماامن لهم كل متطلباتهم بالبيت او من اقاربه يشوف وش متطلبات الزوجه
والثانيه احط اللوم على الجهه العسكريه المفروض تشوف مشاكل العسكر وتراعي ظروفهم
بس قالوها >> عسكريه عوجا

وانا اعذرها صراحه ولدها يصيح بالبيت وهي تدور له حليب ماتنلام والله

[تــوأم الــعــز]

بيض الله وجيهكم جميعاً!!
نعم المرأه معذوره وكما تعلمون عندما تحسن المرأه بأن ولدها في خطر ماتدري كيف تتصرف!!
لازوج ولا أهل عندها ولكن اللوم والخطاء بالأول والاخير على زوجها ومن ثم على أهلها!!
الذين تركوها لحالها في بيت هي وصغيرها لاحامي ولامجيب!!
فعلاً هذه الامور هي باب من أبواب التفكك الاسري!!
تسلمون وعساكم دوم على القوه..!!!

[أبوفهد]

فعلا اللوم على زوجها اللي ما امن اغراض بيته قبل يروح , ترك زوجته تدور اغراضها بنفسها
والا على الاقل موديها عند اهلها مشوار ساعة (100كم)
ارى ان كل اللوم يقع على عاتق الزوج (كلكم راع وكلكم مسؤول عن رعيته)
وبيض الله وجهك على تصرفك يابوراكان
دمت بود

[فــواز الدغيري]

السلام عليكم ورحمة الله وبركاته

كيف الحال

اخوي والله ما ادري وش اقول ووش اخلي

لكن انا الى أقوله ممكن كثير

الى مو فاضي لا يقراء

والى ما وراه شي يتفضل ويقراء ردي

على العموم الوم على الاب صحيح لكن مو كل الاوم على الاب

فيه لوم على الام لانه حرمه مو ولد عجوز تتخانك مع الى رايح والى جائ

الغلط على البو ليه ما خله عنده رجال من اخوته او اخوانه او نزه عند اهله او أهلهاء

طيب قبل لا يروح ليه ما أشتراء لبيته اغراض البيت والمستلزمات الى يطلبه كل بيت

وعلى البنت ليه تطولين لسانك هلون على القليله ولله الحمد حنا مو كفار او يهود

لو شايفه أن الصيدليه ما فيه شي وين الجيران ولا لا تقول لي بيتهم معتزل عن العالم

هذا قمت السماجه به

وأنا ما اتوقع فيه انسان سوى مجنون او عاقل يفعل فعلت الرجال

لكن أنا اتوقع انه الحرمه قليلة أدب

أتمنا ما طلت عليكم

ومع خالص الشكر والتقدير

أخوكم الصغر فواز الدغيري

[المبترم]

ابو راكان لك الاجر على مافعلت
والله يعافينا ولايبتلينا فيه اكبر من
ذالك اليوم ماكل رجل قد الماسوليه

[فهد الهذيل]

اولا بيض الله وجهك ابو راكان على هالمعروف

على من يقع اللوم ؟؟ قد يكون على الأب وقد يكون على ضروفه وضروف عمله وتتحمل جزء منه الأم مع ان الأم متسلطه ولكن لانعلم ضروفها بدقه.


ولكن اقول لو كان هذا الصيدلي يعمل عندي كان سويتله خروج نهائي , السبب عدم وجود ثقافة خدمة العميل لديه او خدمة المريض , يعني عاجز حضرته يكلف نفسه يقوم يشوف الرف ويبحث لها عن الحليب ويرد عليها بأسلوب مهذب , اعتقد هذا اللي رفع ضغط الحرمة المسكينه ويستاهل ما جاه ,

[الدختور]

لا حول ولا قوة الابالله

العلي العظيم

[تــوأم الــعــز]

بارك الله فيكم أخواني الاعزاء وشاكر وممنون على ردودكم اللتي فعلاً تصب في صلب الموضوع شكرأً وعساكم دوم على القوه..!!

[ابو الجوهرة]

السلام عليكم ورحمة الله وبركاته
مووضوعك يعلم أن لابد أن تقدر النفس الضعيفة وتصير أكثر صبر لمعرفة وش بداخله كما يقااال(( أذا عــــــــرف السبب بطــــل العجـــــب)) فمهما كاان وغده بغى يموت وتصرفها معقول وأكيد أنه جت تلهث؟؟والصيدلي بارد !! ((وأنت شهم)) ليست مجامله تصرف جداً رائع ولك أجر أنشاالله
(( شكـــراً على موضوعك علمتنا كيف نتصرف مستقبلاً مع هذه الحالات ))

[سلمان التريباني]

ابو راكان
اعتقد ان المشكلة تقع على الزوج وقلة حياء المرأة

اصبر وتشوف المرأة ماسكة سرى على المخبز

شـكــ وبارك الله فيك ـــرا لك ... لك مني أجمل تحية .

[المقدام]

الله يبارك فيك وتصرف تشكر عليه

[مشهور الغازي]

بيض الله وجهك يابوراكان

لكن اسلوب التعامل والاخلاق خصوصا مع الاجانب تبقى متدنيه في السعوديه وبكل اسف فمهما كانت تعاني من ظروف او تمر في ضائقه فهذا لايعني انها تقول لرجل (ياحمار) لمجرد انه لايوجد عنده الحليب المطلوب

[صلاح الغيثي]

والله ماقصرت يابو راكان
بس تدري منو الشرهه عليه الشرهه على الي يخلي زوجته ويروح هذا وين قلبه اعوذ بالله من هالناس هذي
هو المفروض مودي امرته عند اهلها او على الاقل عند اهله اعوذ بالله ناس مابها حميه ولا غيره تقبل مرررررررروري اخوك صلاح الغيثي.......

[R.N.A]

والله بعذره تلقاه فاكة معه
وش تسوي يالعشير ضيقه
لارجل ولا اهل
وليه رجله مايقلعه عند اهله وليه يخليه بهالبيت لحاله
لا والله الا الرجل غضيب يعني وشلون لك قلب تتركلك مرتن لحاله لاهذي ولاهذيك
المفروووض يوديه يم اهله والا يوديه يم اهله هو
لكن الرجل الضاهر مامن دبره
وجزاك الله خير ابوراكان ونعم بعد حيي بهالشنب
فزعت لهالماخوذه

[أبوبدر]

باحثنا ومديرنا .....الكريم ...
اسمحلي ..بعدة نقاط الأولى ...نسأل الله أن يجازيك على موقفك الشهم ..خير الجزاء
والذي ليس مستغرب على أمثالكم ...
الثانية ..ليتنا ..أيه الأخوة ..نتفهم شئ ..وهو أن الضروف ..أحياناً ..تجعل الأنسان
لايملك نفسه ..وخاصة إذا كانة ضروف ..مادية ..يعني (فقر) ..
بالنسبة ..لمن ألقاء اللوم على ..الزوج صحيح هو المسئول ..ولكن الفقر يقولون مامعه مرجله ..
لو أحسنا الظن فيه ..أفضل ..نعرف يا أخوان ..
من العسكريين ..والله ..يوم جاه ..أمر تحرك ..
الى مدينة بعيدة عن مقر عمله ..ضل ..يدور زي المجنون ..
يبي ..يأمن عياله ..عجز ..ماعنده شئ من حطام الدنياء ..
الثالثه ..بالنسبه لصيدلي عفا الله عنا وعنه ..لو تحرك شوي وشاف بنفسه ..فيه حليب أم لا كان أفضل
يكون بهالشكل ..أدا ماعليه ..لأن التعامل مع الزبائن مهم ..
خاصة ..في مثل ..أمور المستشفيات والصيدليات ...
الرابعة ..يتبين لنا ..من أخر ما الموقف ..بأن المرأة أعتذرت ..لحبيبنا(أبوراكان) ..(ولصيدلي) ..
فهاذا يعني ..أنها إنشاء الله ليس من عادتها ..مثل هالأسلوب ..ولكن أخرجها عن طورها ..
الضرف اللي تمر فيه ..

الخامسة .. وقفة تأمل مع ..إبراهيم بن أدهم

مر بمجلس إبراهيم بن أدهم أحد الصناع ولم يسلم
فقال إبراهيم لرجل معه:أدركه فقل له مالك لم تسلم؟
فقال:إن امرأتي وضعت وليس عندي شيء فخرجت شبه المجنون،فرجع فأخبر إبراهيم بذلك،فقال:إنالله كيف غفلنا عن صاحبنا..
ثم أرسل الرجل إلى السوق لشراء ما يصلح وأرسل به إلى بيت الصانع..فقالت امرأته:اللهم احفظ لإبراهيم هذا اليوم. ..
وأنا أقول اللهم أحفظ ..لبو راكان هذه الوقفة الطيبة ..

لك أخي ../ أبوراكان المعجل ..كل الشكر ..
جعلك الله مبارك أينما تكون ..

دمت برعاية الله ...

[ابن عبدان التريباني]

تشكر اخي على هذا التصرف الذي انشاء الله تنال منه الاجر والثواب بمشيئة الله لانك غشيتك الرحمه عندا ذرفت العيون من هذه المسكينه التي ليس لها جدوى سوى الدمعة التي ذرفت من عينها ولكنك أعدت لها جميع مافقدته من اليأس وجزاك الله خير وجعلها في موازين أعمالك ودمت

[مرقاب شمر]

لاوالله الحمار رجلها