صور خادمات يالدغيرات لاتفوتكم !!!!!

تعاملنا مع الخادمات
اخوتي وخواتي ابحكي لكم اليوم عن الخدامات والخدامات شر ابلي بوه كثير من المسلمين قليل تلقى بيت مابوه خدامة صح ان بعض البيوت محتاجين للخدامة بس هذولى قليل والكثير ماهم بحاجته بس يبون يكشخون به قدام الناس لا وبعض الناس عنده بالبيت له اكثر من مرة وبناته قطعة بنات مار مالله مباركن بهن والمشكلة ان اكثرهم اخذن قيمة مصاريف هالخدامات بالدين والمشكلة ياالربع ان اكثرهن الحمد لله على خلقه ماهو ضحك بخلق الله مار والله ماترد النفس على شغلهن والله يامرة من المرات عزمن خويللي وجيته وجت الخدامة وجابت العيشه اني عجزت اكل عيشته تسد النفس مار عاد مثل ماقلت بعض الناس ظروفه تحده عليهن اللي مثل هذولى الشكوى لله المهم انتم اليا انحديتوا عليهن وجبتوا لكم خدامة اتقوا الله به وعاملوه معاملة زينه ان جازت لكم زينن على زين وان شفتوه ماهي متسنعة سفروه وشوله تعاملونه معاملة شينه لانهن اكثرهن ماهن مسلمات والكانه مسلمه اسم اسلام وتروا مشاكلهن كثير الله يكفي المسلمين شرهن يسولف على واحد من خوياي يقول بوه له ناس عندهم لهم خدامة يقول الناس هذولى اكثر عايلتهم بنات ومعاملتهن له ماهي زينه ياغرة عن العجوز أمهن معاملته اشوا المهم يقول بيوم من الايام وقبل سفر الخدامة بيوم قالت العجوز للخدامة صلحي لنا صحن كيك بناتي يبن يسيرن علينا قامت الخدامة وهي تصلح صحن الكيك وهي تحطه بالثلاجة الحكي هذا قبل موعد جيتهن بيوم او يومين و يوم جوا يبون يسفرونه يم ديرته يوم جت تمشي وتوادع العجوز يمار العجوز لابسة له مخناقة وهي تفصخه وتعطيه الخدامة وتوادعن وقاموا ودوا الخدامة للمطار يوم جت المطار وهي تتصل على العجوز قالت ماما اقرطي الكيك اللي بالثلاجه قالت العجوز وليه قالت انا حطيت بوه سم فيران( تعرفون تعلمت تحكي مثل حكيهم) شوفوا سبحان الله نية العجيز انقذتهم بعد قدر الله ولطفه يا اخواني وياخواتي اللي ابي اقوله لكم ان اللي منحد عليهن لازم يعاملهن معاملة زينه لأنكم ماتحسبون حساب الشين اذا زعلن توقعوا انهن يسحرنكم وياكثر اللي انسحروا من الخادمات والسواقين او يمكن يذبحنكم ويسون شي ما يطري على بالكم وياكثر سوالفهن بس ماابي اطول عليكم وان شاء الله اللي قلته يوصل لكم المعلومة.. والواحد لازم يحمد الله لان الله يقوى سبحانه انه يخلينا نصير حنا الفقراء وهم اغنيا وبدال مايشتغلون عندنا حنا نشتغل عندهم احمدوا الله على هالنعمة اللي حنا به واتقوا الله بالخدم من رجال وحريم
اخواني واخواتي مادعاني لكتابة هالموضوع كثرة مثل هالمشاكل في وقتنا الحالي

ملاحظة:اخواني وأخواتي انا قصدت اني اكتب هذا الموضوع بالعامية مادري هل تؤيدون هذا الأسلوب ام لا اتمنى ان تعطوني رأيكم بكل صراحة وفقكم الله لكل خير لأني ابحث عن مايكون فيه النفع للأخوان والأخوات وقد يكون فيه تغيير عن الروتين اللي كنت اتبعه في الكثير من مشاركاتي وفق الله الجميع لكل خير
اخوكم/ابوسلطان التريباني

كلام صحيح وواقعي مية بالمية

الله يجزاك خير ويبارك في جهودك ولا يحرمك الأجر

واما بالنسبة للأسلوب فهو رائع

وكل واحد يكتب على مايريد

المهم

تصل المعلومة والفائدة المرجوة

فلا نطالب أحد باسلوب معين


وبالله التوفيق

تحيتي لك

موضوع هادف
الله يجزاك خير اخوي ابو سلطان
وهذي مشكله العاميه وانا معاك انك وضعته هنا
لانها مشكله المجتمع حاليا
ولابد لنا من النظر لها من باب حث الدين الاسلامي لنا بالرفق بالاجير ومعاملتهم برفق ولين لكي نتفادى هذه المشاكل
تقبل ودي

شكري وتقديري لكم اخواني نافع والسنعوسيه لمروركم الطيب طاب عملكم يارب

كلام واقعي وله سلبيلت وايجابيات وجود الخادمات في المنازل

والبعض يرى انها من الترفيه والاتكيت ان تتواجد الخادمه في المنزل


اقول البعض من الاخوات هداهن الله

الله يجزاك خير
اخوي ابو سلطان
كلام في الصميم

وانا معك باالعاميه افضل واريح لك

شـكــ وبارك الله فيك ـــرا لك ... لك مني أجمل تحية .

بارك الله فيك أستاذي على ما طرحت من موضوع توعوي
وأسأل الله أن يكفينا شر من به شــر ...

ومن يرحــم يــُرحم !

وبالنسبه لأسلوب طرحك فهـو لذيذ بحق

ولا ضير أن ينوع الكاتب من أسلوبه للتشويق والبعد عن الروتين

وأنت هنـا أجدت الكتابه كعادتك فاضلي



ودمت بهذا التميز


ولك جـُل إحترامي

جزيتم الجنة اخوتي

الحمدلله ماعندنا شغاله والله لايحدنا عليه ان شاء الله
كلام جميل منك يابو سلطان ومافي بيت ماشكى من اتعاب ومضار الشغاله ولو كان الضرر بسيط
يعني مشاكل الشغالات مافي مفر منها
ابدعت بالعاميه وانا احب هالاسلوب ولاكن لك الحريه فيما ترتاح