مشرفتنا بقايا صبر ضيفة على كرسي الاعتراف

اقتباس : المشاركة الأصلية كتبت بواسطة نهير النمش [ مشاهدة المشاركة ]

كل الشكر لك اختنا المبدعه أمنيه واحيي ضيفتك الكريمه الشاعره بقايا صبر ابنشــدك يـا بقايا ااالصبـر وش باقي....... .......علـى تغير بعض هالناس عن طبعه النـاس صابـه بـلا مـع طـاق طرباقي....... .......والبعض مايعرف السته من السبعه تحياتي للجميع

مرحبا استاذي الكريم

اشكرك على تشريفك لي واتمنى اني وفقت بالرد على سؤالك

اللي تغيّر وخيّب هقوة الهاقي=ماهو كفو صحبتك ولا انت من ربعه
عساه فدوه لسامي فكرك الراقي=والضيق اللي داخل فؤادك عوى سبعه
وكان انت تنشد عن اللي راح والباقي=كاس الصبر مابقى فيها سوى رُبعه
وسؤالك اللي يثير الجرح بأعماقي=وانا من اول همومي يجتلد ضبعه
من ناسٍ اكبر طموحه قتل الاشواقي=وعلى طريق الخطأ تمشي ومتّبعه
واللي عشق للمزايا العوج وانساقي=واللي تنكر لمعروفك عقب شبعه
واللي تهور ولخبط جملة اوراقي=واللي يطفّي شموع أفراحنا طبعه
واللي لزرع الحسد والبغض عُشاقي=والحب جاااروعليه وجفّفو نبعه
على الخلافات بين الناس سباقي=ويطق لبليس بالحيلات في صبعه
ولاتقول لي يابقايا الصبر كم باقي=شف كاسنا مابقى فيها سوى ربعه