الـقـلـب يـحـزن ...

اقتباس : المشاركة الأصلية كتبت بواسطة خجوله بطبعي [ مشاهدة المشاركة ]

الله يرحمهم ويسكنهم جنات النعييييم عريب لاهنت على الاختيار المميز واسمحلي بالاضافه عن الاب وهالمنشد الصراااحه اذا سمعته احسه يعبر مابنفسي دقات قلبي تزيد بحرة فيها ××× والدمع من مهجتي بالحزن ذرافي من لوعة يا عسى ربي يجليها ××× حمى غشتني بغم وتنفض أطرافي ليت الليالي تعود بحلو ما ضيها ××× هيهاتي ترجع بما روَّح وما طافي كل(ن) يعزي وأنا روحي أعزيها ××× رحيل أبوي اللي بالأفضال معطافي آهـ من الوقت والدنيا أثنِّيها ××× دنيا تفرق شمل بالحيل تنعافي بسمتك يا والدي ما ني بناسيها ××× تضحك إذا شفتني بالخير متعافي ليت العمر ساعته تنباع وأشريها ××× بأغلى ثمن يايبه للعمر تنضافي مسجدك مشتاق للآية وتاليها ××× ومنبرك من عقب ما فارقت له طافي غرشة دهن عودك بدرجك أغطِّيها ××× أشم ريحه وكنك مقبل(ن) لافي نظارتك شلتها حزني يبكِّيها ××× حتى المساويك ناحت بين الأرفافي وعصاك مسنودة(ن) جيت أبحاكيها ××× تقول يكفيني ما فيني ترى كافي وبستانك اللي به النخلات تسقيها ××× يبست سواقيه تمره دون خرافي يبه .. يبه .. يا يبه لمن بأطرِّيها ××× هني من له أبو حي(ن) وينشافي فنجال قهوة معاك أوقات نغليها ××× ويضمني بالشتاء في مشلح دافي همزت رجليك أنا أفدى مواطيها ××× أرجي لبرِّك عسى ما تشكي خلافي الارض ضاقت علي باوسع فيافيها ××× ماذقت نوم هني والانس متجافي فضايلك يا يبه عجزان أوَفِّيها ××× لو وصلت بالشعر بيت الألف من قافي يا ربي تجعله للفردوس ناصيها ××× ومن ثمار الجنان الاخضر قطَّافي (هني من له أبو حي وينشافي)

اللهم آمين


لاهنتي على الحضور المميز ولا نستغني من لمساتكـ العذبهـ

دمتي بحفظ الرحمن ورعايتهـ