مليوووون رد ~~

صباح الخير يا أجمل صباحاتي على الإطلاق
جميل الصبح لكنه غدى مع ضحكتك أجمل

يشاركني غلا وجهن يكسر نومته ما فاق
على نورن لثم خدك .. لثم حتى بغيت اثمل

صباح القهوة المرة وبقايا من سهرك أوراق
صباح أحلى السمر بالكون وخل اللي زعل يزعل

صباح الخوخ يا خوخه صباح مراهق الدراق
صباح الغرمز الغافي .. وعيته وان تماديت اجهل

صباحي شوق كم نمتي ؟ كاني لي عمر مشتاق
هي الساعة يا سِتي ست أو اني صايرن احول

تثاقل شمسنا الخطوة تسرِح شعرها مِشراق
يقلد بعضها إنعاسك ولكنه .. يظل اثقل

صباح الضحك والنكته عسل لو يزعل السواق
شربها مثل ما شربها قبله عسكري أثول

صباح الدلعنه عالصبح .. تجي مثل المطر رقراق
يشع العطر بالدنيا غنى .. ليت الطريق أطول

صباح الحلم يا وجهٍ طفولي يسرق الآفاق
بها الدنيا هو الأكرم بها الدنيا هو الأبخل

أحبك يا صباح الحب .. ولا يروي ضماي اعناق
أشوف الظرف روضني .. بديت ليا رفضت اقبل

ل: سليمان المانع