@@تويتات الدغيرات@@ غرد @@

ياساق من يتعب على الطيب مكسور -- ضاعت مخابرنا مثل مانت خابر
//
مافيه من سمي ترى اليوم ممرور --- ولاعاد لكسور المواجيب جابر

#مانع العياده

المشكله من وين ماجيت كافور -- الى متى يامستحي وانت صابر
//
دام القلم في عالم الظلم مغمور -- موتي بهمك ياعيون المحابر

#مانع العياده

ياطير وصدور البشر صارت قبور -- من بعد ماضاقت صدور المقابر
//
من كثر مابه سر ماعاد مستور -- طاحت من حموله ثقيل المنابر

#مانع العياده

ياصاحبي نوخ ركابك بلا كمت -- السالفه ماهي لعيناك شامت
//
اكبر من حدود النظر وانت يممت --عينك على دروب المواطي ونامت

#مانع العياده

احيان يشرق في ضلوعي سنا نور --- واشوف طعنات الرفيق وخماله
//
واحيان اشعر كن مافيني شعور -- واحضن لهيب الشمس واترك ظلاله

#مانع العياده

كل الحنين اللي احتواه المسافر -- هذا شعوري لافقدتك وسافرت
//
الوقت من بعدك غدى وجه كافر -- خايف اطيعه لو انا قمت كابرت

#مانع العياده

هذي تفاصيل السهر في كتابي --- حاول تفسرها اذا انت قررت
//
وان كان شككت فبقايا حسابي -- شف وشكثر شيكات فيك انت حررت

#مانع العياده

اسرجت لك خيل الأماني وجيتك -- محتاج لي جرعة امل في طريقي
//
شف وشكثر اول اماني عطيتك -- هالحين محتاجك ترى جف ريقي

#مانع العياده

اسئل ولكن لاتخون الأجابه -- كثير جالس ينتظر ساعة الحسم
//
واذا تشوف ان البشر وسط غابه -- حاول تحط لكل واحد له بقسم

#مانع العياده

شوارع البارح تبي له نظافه --- من حوسة اطفال الشوارع مسا امس
//
وصلت معانا الجوع قمنا نخافه -- حتى الضجيج اليوم يشبه لنا الهمس

#مانع العياده