تنبيه

اقتباس : المشاركة الأصلية كتبت بواسطة نرجسي بس حبوب [ مشاهدة المشاركة ]

الله يرحم والديتس ياأم الديم فعلاً أسم على مسمى ياغيمة أمل أنا الاحظ مثلتس حضور بالهبل بس للأسف مافيه تحرك على شان كذا أقول أن أكثر الحضور يدخلون من الخرطوم خخخخخخخخخخ يعني مانين علينا سمع ارائهم أو مشاركتنا باالردود شي يقهر فيه منتدى لحدى أفخاذ شمر له اليوم شهرين من فتح عدد المواضيع أكثر من 2800 وعدد الردود والمشاركات حول 30000 يعني لو حنا من هالفخذ صدقيني كان أمدانا وصلنا لـــ10000 موضوع و 120000 رد ومشاركه يعني بكل أختصار بعض ربوعنا بس فاتح عيونه ومجتهد على التواجد من غير لاحس ولاخبر تقولين أصابعه توجعه شي محزن وأنا أشوف أن أدارة ومشرفين ومراقبين الدغيرات من أنشط الناس بس أشوف أن هناك أعضاء مالدهم داعي يعني وجودهم مثل قلتهم يجون ويرحون مادرينا عنهم وهذا الشي ودك تلتفت له الأداره وأنا قبل يومين حطيت لهم اقتراح يمكن لو ينفذونه يلاقون تجاوب وهو من لايضع مشاركه خلال يومين تحجب عنه المشاهده والله أني صادز لأنه شي يقهر يجون ويرحون وتقل باخلين علينا هالدرر خخخخخخخخخ الله يرحم والديتس ويعطيتس ألف عافيه بردتي قلبي خخخخخخخخ عليهم

اسعدني مرورك اخوي وتعقبيك واضافتك الي في محله

اقتباس : المشاركة الأصلية كتبت بواسطة أبو زاهر [ مشاهدة المشاركة ]

ملاحظه بمكانها بادره جريئه من اختنا لكم جميع الود والتقدير

اسعدني مرورك مراقبنا ابو زاهر
والبادره الجميله مرورك أخوي

اقتباس : المشاركة الأصلية كتبت بواسطة هلال الدغيري [ مشاهدة المشاركة ]

شكراً لكِ فآضلتي . لي رد بعد ردود الأخوه كآفه وتعليق على بعض النقاط ,.

بأنتظارك اخوي هلال الشمري

اقتباس : المشاركة الأصلية كتبت بواسطة ابو احمد الدغيري [ مشاهدة المشاركة ]

ابتنا الفاضله غيمة امل جزاك الله خير تسجيل حضور

اسعدني مرور ياعم ابو احمد الدغيري
وحضورك يشرفني

اقتباس : المشاركة الأصلية كتبت بواسطة ابو عايد [ مشاهدة المشاركة ]

صراحه اول ماقريت الموضوع عجبن وهذا الكلام الصحيح اللي ماعليه غبار وصراحه من غير زعل الخطأ اكثره وليس كله على المشرفين والمراقبين ليش لانهم اكثر المواضيع اللي مايمونون على صاحب الموضوع او توه مشترك مايبدوله اي اهتمام وانا ماأقول كل المشرفين والمراقبين بل اكثرهم وان شاء الله مايزعلون مني لكن هذي الصراحه واللي ماهو مصدقن خله يتابع المواضيع ويشوف كم نسبة المشرفين والمراقبين فالاعضاء يراعون للمسؤولين ياماري كله خربانه عقبن يقولون حنا اعضاء محد منتبه لنا وعقبون يغيبون والا مايردون على المواضيع واشياء والله واجد يعني لو ابي اكتب ياما اتعب ماخلصت من السلبيات وكلامي هذا لايفهمونه الاعضاء والمسؤولين على انه تحيز ضدهم او انه ردى منهم بل العكس هم الماسكين المنتدى يعني لولا الله ثم المشرفين والمراقبين لما قام المنتدى لكن نقول فيه بعض النقص اللي يصدر من البعض واختي غيمه ماحطت الموضوع الا لحل المشكله هذي والا لما اتعبت نفسها بكتابة الموضوع وخسرت وقتها عليه لكن هي تريد الشيء الزين للمنتدى وتريده ان يتطور وان ينشر صيته ونشكر الاخت غيمه على جهودها بإنشاء المواضيع الجميله والمميزه والمفيده للمنتدى واعتذر على اي خطأ صدر مني على الاعضاء او فهم كلامي خطأ واعيد شكري للاخت غيمه على هالموضوع ونشكر الاداره والمسؤولين على الاهتمام بالمنتدى وتقبلوا تقديري واحترامي وفائق ودي وشكرا لكم جميعا . اخوكم: عبدالله عايد الناطوري

كلامك صحيح اخوي ابو عايد اسعدني تعليق ومرورك

اقتباس : المشاركة الأصلية كتبت بواسطة صالح الغيثي [ مشاهدة المشاركة ]

إختي غيمة أمل تشكرين على ماقدمتي وموضوع لا غبار عليه وصحيح وواقعي بس عندي سؤال إذا كان العضو أو المشرف أو المراقب نشيط واللي حوله غير نشطين(((يعني بااااااردين)))) ماذا يكون ردة فعلك؟؟؟؟؟؟؟؟؟؟؟ الاجابه هو تعليقي على موضوعك

اكيد بيحبط كل شخص نشيط باللردود البارده لموضوعه
وهذا الي خلاني انزل موضوعي واكتب فيها كل ملاحظاتي

اسعدني مرورك اخوي صالح

اقتباس : المشاركة الأصلية كتبت بواسطة احمد النغيمش [ مشاهدة المشاركة ]

الاخت غيمة امل موضوع في محله وفعلا المطلوب المشاركه وليس التواجد مشكوره على طرح مثل هذه المواضيع المفيده تحياتي احمد النغيمش

الشكر لك ولمرورك اخوي احمد

اقتباس : المشاركة الأصلية كتبت بواسطة *ناايف الموزان* [ مشاهدة المشاركة ]

ولازم يكون في مساعده قوووووويه بالمنتدى حب لغيرك كما تحب لنفسك ــــــــــــــــــــــــــــــ "غيمة أمـــ ل" كلام في مكاانه وفي وقته وكل شئ تكلمتي عنه حاااصل مع الأسف.... وأنا لاحظت إحباط بعض الأعضاء بالردود ..عسى الله يهديهم وأتمنى أن يكون هذا الموضوع دافع ومشجع لكم من بعد مانبهتنا وتكلمت مشرفتنا المجتهده المميزه الله يجزاه كل خير أن أصبت فمن الله وأن أخطات فمن نفسي والشيطان ..

كلام جمييييل أخوي نايف وهذا الي دفعني للكتابه

اسعدني مرورك

اقتباس : المشاركة الأصلية كتبت بواسطة أبوراكان المعجل [ مشاهدة المشاركة ]

لابد من التعاون أنا لدي بعض التساؤلات لجميع الاعضاء ليه لما يسجل العضو دخول يجلس على بعض المواضيع ساعه كامله ويطلع ولم يسجل اي رد..؟؟ هل هذا بخل أم تقاعس عن المشاركه كم راح يأخذ من وقتك الرد أذا أخذ منك نص دقيقه فيعتبر رد دسم أخواني فيه أحد منكم سئل نفسه كم أضفت موضوع في المنتدى هل وجود البعض مثل عدمه وحضوره مثل غيابه أخواني لابد من مراجعة لمشاركتنا أبناء العمومه لابد أن ننشط ونظهر أنفسنا بمواضيع مميزه وبالأخير أشكر أختي غيمة امل على هالمجهود الرائع الذي تقوم به وربي يحفظها ويحفظ الجميع

كلامك صحيح وانا ابي تعليقات مثل كذا علشان نعرف وش نناقش
اسعدني مرورك اخوي ابو راكان

اقتباس : المشاركة الأصلية كتبت بواسطة ازهمن صاحي اجيك مجنون [ مشاهدة المشاركة ]

الله يرحم وآلديك ويوفقك ومشكوره تحياتي وتقديري لك

ويرحم والديك على هالمرور
اسعدني تواجدك اخوي