02-19-2010, 01:32 AM
|
رقم المشاركة : ( 1 ) | |||
|
عضو موقوف
|
(تكفون ياشمر) =====(وهذه القصه)====نخوة قبايل يام لشمر
تتواجد قبائل يام وهمدان هذه الايام ويبذلون جهودا حثيثه بهدف انقاذ سليمان بن زعل بان
غازي الشمري الذي ارتكب جريمة قتل قبل 20 سنه في نجران القاتل والمقتول من شمر
((تكفون ياشمر )) فقد سبق ان نخا (يامي) شيوخ وقبيلة شمر عندما اقدم على قتل ابن عم له (يامي) وقد قال هذه القصيده وكان ذلك قبل نحو ما يزيد عن عشرين عاماً إليكم القصيدة : - اشكي على شمر عيال السناعيس .......................................زبن الغريب اللي بلته الليالي روس الرجال اللي تعرف النواميس .........................................لطامة العايل بروس السلالي انخى شيوخٍ ذكرها له تداريس ......................................باول تواريخ العرب له مجالي تاريخهم يكتب ببيض القراطيس ................................ويكتب على روس الجبال العوالي وانخى الشيوخ اللي يفحمون المحاميس ...........................................ومزودين ٍ هيلهم بالدلالي انخى عبدالله اللي له المدح تأسيس ......................................ابن رشيد اللي عزيزٍ وغالي وانخى ابن جبرين ودرزي بتحميس .................................. نخوة حمس تهتز منها الجبالي وانخى بيعجان العلي ممن العيس ................................... وممن الخلفات باقصى المفالي وانخاك ياشبل الاسود النواعيس ......................................انخاك انت ياطلال الرمالي نخيتكم وانا غريب المحابيس ...............................من سجن نجرانٍ لسجن الشمالي اقسم لكم باللي يهب النسانيس .....................................لو واحدٍ منكم محلي بدالي ويزورني منه خطوط ورواسيس .................................. لاعجبه واسوق حالي ومالي واطلع به اللي ماتجيه القرانيس ..................................واحط منزاله على راس عالي اقولها وانا يامي رمته المقابيس ................................شيخٍ ولد شيخٍ عمامي خوالي قصيرنا يامن بليا حواريس ....................................وخوينا يشرب قراحٍ زلالي فالنتيجه : ان يام قدرت وجاهة شمر وقد عفت عن القاتل جزاهم الله الخير والثواب من عند الله والان والدنيا دول قدر الله وماشاء فعل سليمان ابن زعل الشمري ارتكب جريمه في نجران وحكم عليه بالقتل حدا بالسيف ونخا قبائل يام كافه للوجاهه باعتناق رقبته فالقاتل والمقتول شمري فلهم دين على قبيلة شمر وامل من الله ان يصفحوا ويعفوا ابناء شمر وخاصتن قبيلة الهمزان الكرماء فهم اهل رحمه ومغفره واليكم قصيدة سليمان بن زعل الشمري : يـا فزعـة المضيـوم أهـل نجـرانـي شـيـوخ اهـــل نـجــران والأعـيـانـي يالفزعة اللـي تنصـف المضيومـي لــي بـانـت الخـلـة عـلـى العـربـانـي لـي جـا النهـار اللـي يثـور غـبـاره أصـغـركـم الـلــي يـنـطـح القيـمـانـي الــوادي الـلـي محتـمـيـن حـــدوده مــنـــا و مـــنـــا والله الـرحـمــانــي هـــذا اللـيـالـي بـاالـبــلاوي تــبــلا والمـيـل فــي الدنـيـا مــع الأزمـانـي تـصـبـح السـالـيـن فـــي دنـيـاهــم ويمسون فـي هـم(ن) وفـي حقرانـي وتهجـد اللـي غافـل(ن) فـي نومـه يصبح ضعيف(ن)عاجـزن خسرانـي خـريـم ابــو ســاق يـامــن نـزهــم ينخـاك مـن هـو مـن وراء البيبـانـي ياصـامـل الوقـفـه زعـيـم أبـطـالـك يـامـكــرم الـجـيــران والـضـيـفـانـي انـتــه مـحــل الــقــدر والـجـاهـيـه والـفـارس الـلــي يـنــزل المـيـدانـي والشايـب اللـي كلمـتـه مسمـوعـه عـنـد المـلـوك ومـعـظـم الشيـخـانـي تكـفـا تــرا شـومــان قـــرب حـــده مـن نسـل شمـر بـن زعــل سلمـانـي وانخاك يا بن منيـف وانخـا ربعـك انـخــاك وأنـــا داخــــل الاسـجـانــي لانـك عقيـد(ن) لـي دعـاك الداعـي تـفـزع وتـشـفـع وأنـتــه الربـحـانـي وانخاك يـا ابـن نصيـب تكفـا تكفـا ينخـاك مـن هـو فـي سجـن نجرانـي وجهـك وجـاهـك بالـوفـا مرفـوعـه وكلـمـتـك دايـــم تـرجــح المـيـزانـي وانخاكم يا رجال وعيل واحد واحد والشيـخ مقـرع حـق ابـن هضبـانـي إن كان ابن هضبان يوحي لصايـح بالفـزعـة الـلـي تشـفـي المرضـانـي وانـخـا ولــد ذيــب مـبــارك لانـــه ابـــــو ذيـــــب وجـــــده الـمـهـانــي شـيـخ الـرجــال مكمـلـيـن الـــلازم الــلابــة الــلــي مـابــهــا الــذلانـــي والشيـخ ابـن فهـاد راعـي البيـرق مـحـمــد الــلــي يــنـــزل الـحــدانــي أبوه عايـض يحتمـي فـي الموقـف وخلـف شيـوخ(ن) كلـهـم شجعـانـي ولسلـوم ننـخـا شيخـهـم ورجـالـه انـخـاك وفـــزع يـــا ولـــد قـعـوانـي وانخـا قبايـل يــام كــل(ن) بسـمـه وأنـخـا بـنـي مــره مـــع العجـمـانـي فـي منطقـة نجـران حــل اعـدامـي ولالــي ســوا يـــام وانـــا وحـدانــي اصيـح بأعلـى صـوت وأنـخـا يــام باقـي شهـر مـن راس مـع شومانـي وقــفــه ودعــــوه والله يـجـازيـكـم باحسـانـكـم يـــا يـــام بـالإحـسـانـي والله مـالـي مـــن يـوقــف جـنـبـي أنـخـا وأنــا شـايـب وحيـلـي وانـــي عمري قضى الستين يمكـن واكثـر ومـا ظنتـي فــي يــام مــن ينسـانـي يـا فزعـة المضيـوم أهـل نجـرانـي شـيـوخ أهـــل نـجــران والأعـيـانـي نتمنى من الله سبحانه وتعالى ان يكلل هذه المساعي الخيرة ويفرج عن سليمان بن زعـل الشمـري كربته امل من الاخوان نقله وتعميمه ليعم الاجر والثواب وبارك الله في الجميع |
|||
|
|
02-19-2010, 05:48 PM
|
رقم المشاركة : ( 2 ) | ||||
|
نتمنى من الله سبحانه وتعالى ان يكلل هذه المساعي الخيرة ويفرج عن سليمان بن زعـل الشمـري كربته |
||||
|
|
|
02-19-2010, 08:28 PM
|
رقم المشاركة : ( 3 ) | ||||
|
كاتب وراوي تاريخي
|
نتمنى من الله سبحانه وتعالى ان يكلل هذه المساعي
الخيرة ويفرج عن سليمان بن زعـل الشمـري كربته |
||||
|
|
|
02-19-2010, 08:28 PM
|
رقم المشاركة : ( 4 ) | ||||
|
وفقـــــك الله |
||||
|
|
|
02-19-2010, 08:29 PM
|
رقم المشاركة : ( 5 ) | ||||
|
مراقب عام
|
عسى الله يهدي عيال عم المسجون
ويعفون عن ولد عمهم |
||||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
