08-11-2009, 04:11 PM
|
رقم المشاركة : ( 1 ) | ||||
|
قصائد مكتوبة لشاعر المليون خليل ابراهيم الشبرمي في أمسية حائل
اليكم بعضا من قصائده .................
استهل خليل الشبرمي أمسيته بدعاء المولى جل وعلا : اللهم بارك لنا في شعبان وبلغنا رمضان، وقال أن كل واحد من أهل حائل يستحق أمسية لوحده،وشارك أهالي حائل احتفالاتهم وهنأهم بمناسبة مرور عشر سنوات على تولي صاحب السمو الملكي الأمير سعود بن عبدالمحسن بن عبدالعزيز إمارة المنطقة، وقال منشدا قصيدة بعنوان فنار الجود: قال التميمي أنا موجود والليلة الميدان ميداني بذن الولي لا اجود بالماجود لعيون جادا واقوس الحاني بيت القصيد وغاية المقصود شي تسشوفونه بالاعياني من رحمة الرحمن والمعبود ومن حكمة الله عالي الشاني الطيب ماله منطقة وحدود والطيبين بكل الاوطاني الى ان يقول في بيت نال استحسان الحضور: وانجيت جيت لديرة ابن سعود وان رحت رحت لديرة ابن ثاني ويواصل: شاعر وأهاب العيب والمنقود وازن كلامي قبل قيفاني ما جيت اتايش والرجال شهود ولا اهذي وامذرع لساني ماني على ذم العرب محدود ولاني سفيه ولاني ولاني وقال: المختلف صديت عنه صدود والمنحرف ما هو من اخواني والخثرقة والغطرسة والزود تزود الرجال نقصاني الصمت حكمة والسخا محمود ورمي الركاد يغيض عدواني إلى أن قال: سوقوا سلامي وافي ومفنود لسلمى واجا وجبال رماني وحايل واهلها هم فنار الجود ورمز الوفا من ماض الازماني وثنوا سلامي للأمير سعود ريف الضعيف ومدهل العاني وثنوه للنايب سمي العود عبدالعزيز وطير حوراني وعلى الطرق الطويل القى الشبرمي قصيدة (صيف حايل) : التميمـي تهيـض وابتـدا القيفـان بسـم الله الرحمانـي الحليم العليم الواحـد اللـي كلنـا فـي رجـا غفرانـه مرحب وبعدها يا مرحبا مدى عبت عود الحبق نسمة مسياني وعد ما غرد القمري على حدب الجريد وشجـن بالحانـه جيت اغني بحايل واتغزل فـي هواهـا وابـث اشجانـي يا شخاني بجانا جات قلـب انسـان والترجمـان انسانـه وقبلي القاظي محمد وابـن لعبـون وابديـوي الوقدانـي كلـن بديرتـه مفتـون والشعـار بأوطانهـا هيمـانـه همت في حب حايل مثل مـا هـام بهيـا محسـن الهزانـي تتوب عن حب حايل قل لالا حب بقلبي راجـح ميزانـه فضفضي يا حروفي عن شعور الشاعـر المتـرف الولهانـي وسبحج الليله معـزب وانـا والـوزن والقافيـه غيثانـه صيف حايل لحاله صيف هايل صيف ما لـه ولا لـه ثانـي يالله اللـي وهبـه الشاعريـه والحلـى والبهـا سبحانـه وجو حايل طبيعي والحراره حسب نشرت حسـن كرانـي جـو حايـل معتـدل وانسـان مـا بالنـدى ريـانـه وأبدع شاعر المليون الشبرمي مجددا في قصيدة ترحيبية خاصة بصاحب السمو الملكي الأمير سلطان بن عبدالعزيز آل سعود ولي العهد ونائب رئيس مجلس الوزراء والوزير الدفاع والطيران المفتش العام وقال فيها: اهلا هلا ما هل وبل الهماليل واهلا هلا ما لاح برّاق بخيال بسلطان سلطان الصخا حاتم الجيل يا مزن جودٍ دوم دايم الدوم همال يا حدي يا حلحيل يا مفني الحيل يا فزعة المضيوم يالنايف العال والقى بعدها أبيات بالأمير تميم بن حمد ال ثاني ولي عهد دولة قطر قال فيها: ياسيـدي ماتسـود الا الاسـود واستحالـه ما يفـل الحديـد الا الحديـد واشهد ان المرجله من عهد عاد وثمـود كايـده والطيـب كايـد وذا علـم اكيـد والفرايد لابغيـت امدحـك جنـي وفـود وريـعٍ لـي ياتميـم التميمـي يافريـد آتعزوى واعتزي وانتخي وارقـى سنـود وانطرب واشوش ويزين لي بدع القصيـد والمعاني ياعريـب المجانـي والجـدود والقوافي تفتخر فـي سمـوك والنشيـد ياتميم المجد والجود واجود مـن يجـود ياولـي العهـد والعـز والمجـد التليـد والشكالـه والكـرم والتكانـه والركـود والقبال السمح والسمت والـراي السديـد والتواضع والوفاء فيك ياوافـى العهـود وفيك مع هيبة عمر حزم هارون الرشيـد وبك رزانه زانهـا عفـوٍ وعفـه وجـود ومع دهاء معاويه فيك باس ابـن الوليـد وانت من صامن بعينه غدة ليـام سـود وانت ابن زبن الدريك وعمى عين الضديد فارق بين الزعامـات وجهـوده جهـود وكل من دوحة حمد راعي العليـا يشيـد ياحفيد اللي برمـز التفانـي والصمـود والنقا والحلم والعلـم والبـاس الشديـد من فتق بالترك واخزى النصارى اليهـود خيال العليـا ذرى الـدار وكعـام العنيـد قاسم اللي عن حمى الدين والملـه يـذود راعي المعروف والعلم والعقـل الرشيـد قلتهـا ياسيـدي والغـلا مالـه حـدود والولاء ماينقص يزود والمولـى شهيـد شاعـر ماهمنـي لاهـبـات ولانـقـود شوفتك تغنيني وحب متنـك يـوم عيـد وقربكم ياماكـر الطيـب طـب للكبـود وراس مال ومكسب وشيك وسلاح ورصيد جعلكم ذخر ومـلاذ وعساكـم فالوجـود وجعل عمرك ياابلج الوجه مبروك ومديـد ثم شال شاعر المليون خليل الشبرمي قصيدة ثناء على صاحب السمو الملكي الأمير سلمان بن عبدالعزيز آل سعود أمير منطقة الرياض جاء في مطلعها: تحية الإسلام يا سلمان أمير العاصمة سلام أحلى من رطب طيبة وبرحي القصيم وشهد اليمن والشام يا سلمان أمير العاصمة يالصيرمي الصارم الصمصيم يا عود الخصيم بعدها قال الشاعر الكبير قصيدة رائعة: ياواحـدن مـادون بابـك خفـارات ياسامع اللي بالدجاء لـك ينـادي يالله طلبتـك يـاالـه البـريـات عفوك وسترك والهدا والرشـادي ومن بعدذا يامحزمـي بالمهمـات اللازمـات الملزمـات الشـدادي ياماكر الصلولات نسل التميمـات يامعرب الجديـن سقـم الاعـادي حاولت اشوفك بس هيهات هيهات انا بوادي وانـت عنـي بـوادي والجندي الماخوذ مابـه مروفـات يهوشني ويقول وين انت غـادي؟ والطيب كايد بس للطيـب حـزات والفعل صملـه والـدوادي دوادي واديـم الله ماتـدوم المقـصـات تمسي لوتصبـح انسـان عـادي والشر له بوجيه الاشرار شـارات والجود باهل الجـود بيـن بـادي وغيري يجيب من الامير اعتمادات واناعلـى رب العبـاد اعتمـادي يقوله اللـي مايخـون الامانـات ولايجحد المعروف عنـده مبـادي وصلو على مبعوث رب السموات شفيعنا يـوم الحشـر والتنـادي ثم تفاعل الحاضرون كثيرا مع قصيدة مؤثرة وهي شيلة ابيات رثائية بالشاعر الكبير طلال بن عبدالعزيز الرشيد يرحمه الله: عم حزنٍ عظيم رجال كـل القبايـل وفرحة العيد ماتت مع طلال الرشيد وحل خطبٍ جلل برجال وجبال حايل والسناعيس شمر من قريب وبعيـد أحسن الله عزاهم في عريب السلايل من كسب كل طيـب وعلـمٍ حميـد مِرثُ الجود كسَاب الثنـا والجمايـل والنواميس والطولات عوق العضيد ونسأل اللي اليا من سٍيل مارد سايل ونطلب الواحد المعبـود رب العبيـد جعله لجنة الفردوس ذرب الفعايـل بين ظل ظليل وبيـن طلـح نضيـد واحسن الله عزا كل العرب والحمايل واخ وام وحرم وارحام وابنا الفقيـد والوزن والقوافي والوفـا والنفايـل واخوياه (وفواصل) وامسيات القصيد والقلم والورق وطيور واف الخصايل والكرم والشجاعه والمقال السديـد وانتْ وأنتِ وأنا ورجال كل القبايـل أحسن الله عزانا في طـلال الرشيـد ثم استمتع الجمهور الكبير الحاضر ببشيلات الألحان اللويحانية لقصيدة ترحيبية : اللي لا دعته الناس لبّى واجـاب ربٍ عطوفٍ يشوف ظروفها ويروف باحوالهـا ومن بعد ذا مرحباً واهلاً هلا ماهل وبل السحاب وعداد ماناح ورق ولاح ضوح البرق بخيالهــا اهلاً هلا بالضيوف اهل الوفا والطيب شيب وشباب اهلاً هلا بالجميع ومرحباً مليون برجالهـا روس الحمايل زحازيح الرجال مصخرين الصعاب نشهد وتشهد لهم ماض السنين وحاضر اجيالها والمدح لاجا مجاله وانفتح للمدح باب وجواب أشد الامة تميم اليـا ظهر للناس دجالها ومن فضل رب الخلايق والملا جزل العطا والثواب ربعي اليا عدت افعال الرجال تنومس افعالهـا ولا شك بان الحسب مـاينفع المخلوق يوم الحساب وان النسب مايفكه من عذاب النار واهوالهـا واصله وفصله وماله باكر اليا حط حدر التراب والله ماتنفعه والناس يوم العرض باعمالها تمسكوا بالفلق والناس والأخلاص وام الكتاب تلقونها يوم الحشر لازلزلت ذا الارض زلزالها والهرج لازاد زروده نقص والحكمه بفصل الخطاب والحر حرٍ يرى مخراجها من قبل مدخالهـا والحمد للواحد اللي لادعته الناس لبّى واجاب ربٍ عطوفٍ يشوف ظروفهـا ويروف باحوالها والختم صلوا على خير الملا مابان نجمٍ وغاب وما حمس بن اليمن والشاذليه دار فنجالها ثم تفاعل الحضور مجددا مع قصيدة سلسلة وغاية في الجزالة وهي قصيدة: (وسمي على بلّي) : ومنها.. ألا مرحبـاً واهـلاً هـلا عـد ماهلـي سحابٍ على سلمـى واجـا دوم همالـي وحي الرفيق اللي علومـه يجـوزٍ لّـي وحي الكتاب كتاب غالي ومـن غالـي ولاوالله الا مرحبـاً بالرفـيـق الـلّـي مضرا على كسـب النواميـس ريبالـي مديـم حجاجـه طلـق ولسانـه يهلّـي به الطيب طبع معرب الجـد والخالـي صديقٍ صدوقٍ صادق الود صافـيٍ لّـي نقـيٍ تقـيٍ مالـه اجنـاس وامثـالـي ومن بعد ذا يااحمد ابا ارسـل وحوّلـي وشرواك ذيبٍ موجتـه تلقـط ارسالـي انا يالحميدي عان وسمـي علـى بلّـي علام الوسوم اللي علـى بلّـك اشكالـي وش اللي جرى وايش السبب يافتى قلّـي علام العلوم علـوم جـزلات وهزالـي لاصرت فوقي ماانت ملزوم تنـزل لّـي ولاصرت حدري ماانت مكلوف ترقى لي وكانك تقول النـاس قالـت فعيـن لّـي من اللي سلم من راعي القيـل والقالـي ولاتبعد ابدن بـس مـن ملّـك وملّـي تحسـس ودوّر كـم حقـودٍ ومحتالـي بلانـا بـلانـا بينـنـا دوم ينسـلّـي ومنـا بنـا واشيـن ورخـوم وانذالـي وبالناس يابن النـاس طامـن ومتعلّـي وانا ما ارفع الطامن ولا اطمن العالـي وقلبي دليلـي يالحميـدي يدربـل لّـي واميز هماجه قبل اذوقـه مـن الحالـي وانا احَمْد ربي ماخبـرت القـدم زلّـي ومشيي لـك الله دوم دغـري وطوالـي ونفسـي عزيـزه بالـردى ماتسولّـي وسود النوايـا ماتشـوش علـى بالـي ولا اداني العيلـه ولا الميـل لـو ملّـي ولا اطفف لغيـري ولا ازيـد مكيالـي وانا داري انك يافتى الجود وافـيٍ لّـي ولاهي غريبـه منـك ياطيـب الفالـي وعلى كل حالٍ جيت كلي علـى حلّـي وخذني شقيقٍ لك على كل ابـو حالـي أبلبس علـى ماتشتهيـه انـت فصّلّـي وضبّط عسـى الله مايعريـك تفصالـي وقل واهني اللي عـن النـاس متسلّـي دليـخٍ فضيـخٍ دالـهٍ خالـيٍ سـالـي وصلوا على سيْد البشـر عـدّ ماهلّـي سحابٍ توالـى نـوض براقـه يلالـي ثم شال الشاعر شيلة تفاعل معها الجمهور وهي: والليالي تودع العاقل هبيل والامور اليوم سلم ياسلام راح جيل ومقبل ياخوك جيل ياللـه اني طالبك حسن الختام العزيز يذل ويعز الذليل والسباع يباع في سوق النعام ودفتر الشيكات في مخبا البخيل ماظهر في حرب وإلا في سلام حسبي المولي وهو نعم الوكيل عالم النيات خلاق الانام مانبي منهم كثير ولا قليل 0ولا لنا مقصد ولا غاية مرام والحظيظ اللي يحسب للرحيل باكر اليا لف في مترين خام مايفيده لا خوي ولا زميل ولا يفيده لا خوال ولا عمام فانيه والادمي عابر سبيل اترك اللي فات وانظر للامام والكلام احيان احد من الصقيل يتلف الارواح ويقص العظام مانبي يفرح بها نقال قيل الحشيمه يالحشام ابنا الحشام استغلوا فرصة الشهر الفضيل وافتحوا صفحه محبه وانسجام والصبر طيب لو انه حنظليل والعفو والصفح من طبع الكرام والنعيمه لو مسك فتحي كميل ماوصل للقول من عشرين عام وان بغيت العلم يازبن الدخيل اسلم وسلم على عادل امام ثم قصيدة مؤثرة القاها ايضا بطريقة الشيلة شاعر المليون خليل الشبرمي بعنوان: (وا وجودي ) : وا وجودي كل ماشفت زوله من بعيد وجد مَن مِن زود ما به غبن عاف الحياة ووجد من صلى على امه وابوه بيوم عيد يوم صلى العيد مد الجنايز للصلاة ووجد عودٍ قيّدوه العساكر بالحديد ذابحٍ له نفس من دون عرضه والبنات واصغر القصّر بلغ ما عفا راسه عنيد أقشرٍ لاجاه جاه العرب قال الصفاة ووجد مجدور العرب بالخلا خلي وحيد بعنّته ما حوله الا الذيابه عاويات ووجد رجْل اعمال عقب المعزه والرصيد فلّس وحلت عليه العطيه والزكاة أتوجّد وادري ان التوجّد مايفيد وجد مَن مانال شفه ولا حصل نجاة واتبعها بشيلة لقصيدة جميلة: حرام ... ياباشة الغيـد والله .. ورب البـريّـه لـولاي اهـاب المناقيـد واللـوم والهـرج فيّـه لااشق ثوبي ضحى العيد وادنّـهـا هاشـمـيـه وانخى جميـع الاجاويـد تكفون يا اهـل الحميـه راع الهـوى يالاولـيـد شيلـوه فـي مروحيـه لاحركـت هـزت البيـد تـرزم رزيـم بـرديّـه ودّوه يـم اتلـع الجيـد تكفـون قبـل المنـيـه ولا تكثـرون المناشيـد بالحيـل حالـه رديّــه عيـده عـذاب وتناهيـد وجـروح قلبـي طريـه وشفا العيـون المراميـد شوفـة رهيـف الثنيـه ما جت على كيف ما اريد ميـر الوعـد بالضحيـه يـا مخلفيـن المواعيـد من غير ذنـب وخطيّـه وما ودي انقص ولا ازيد واكشـف امـورٍ خفيـه محروم من فرحة العيـد مـن ذاق فرقـا خويّـه ثم شيلة لقصيدة (يا سعد): ياسعد وش شاف مجنون ليلى بالغرام أشهد انه وان بِلِي بلوته ياهونها ياسعد ليلاه وان مات فيها مستهام تدري انه بالهوى ياسعد مجنونها المصيبه من غدى ميتٍ له كم عام عشقته ماتدري انه قتيل عيونها قرهدت نفسه عليها ومرّ الكبد زام ودوك قلبه ياسعد مزّعته طعونها ياسعد والله يالولا الحيا واخشى الملام والقرابه والحيا والهوى وجفونها لاانهبه وانحاش واجلى جنوب ديار يام ما يردن لو وقف جيش هتلر دونها ياسعد راع الهوى بالهوى لاضيم شام مايرده طول بيبانها وحصونها وان غوى راع الهوى في هواها مايلام لااجتمع غبن الزمن ياسعد وغبونها وياسعد والله فلا اسلى هواها لاحرام لو يلوح الشيب في لحيتي وقرونها وخذ وصاتي ياسعد وصلّه بنت الحشام ذي وصاتي كان غيري غدى مظنونها لا شرت ثوب الفرح تشتري لي باع خام يدفنوني ليلة العرس ويزفونها واختتم عرف الأمسية الزقدي بشكر الشاعر خليل الشبرمي الذي قال قصيدة جديدة (شبابية) حسب وصف الشاعر قبل الختام وهي بعنوان (استثنائي) منها: استمتعي يا مترفة باغوائي واسترسلي يا حبني لاغوائك وتفنني يا فاتنة بإغرائي بفتنة حلاك وفتنة استحيائك حصري حلاك وملحك استثنائي وحسنك فريد من ألفك ليائك وقد حضر الأمسية عدد كبير من محبي الشعر ومتذوقيه ومثقفي المنطقة وعدد من رجال الإعلام والصحافة وطواقم القنوات الإعلامية، وفي نهاية الحفل قدم رئيس اللجنة العليا المنظمة لمهرجان (صيف حائل 30 ) الأستاذ علي بن عبدالوهاب الفايز درعا تذكاريا للشاعر الشبرمي، كما قدم درعا تذكاريا آخر لعريف الأمسية الأستاذ صالح بن نواف الزقدي، غادر بعدها الشاعر الكبير مقر الأمسية وسط تصفيق حار. وقد بذلت اللجنة المنظمة للامسية جهودا جبارة في التنظيم داخل وخارج المدرجات كما كان للتواجد الكثيف من قبل دوريات المرور والشرطة دور كبير في تنظيم السير وانسيابية دخول وخروج السيارات في الشوارع المحيطة بالاستاد. |
||||
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري