يـلعن آمك يآشيـخ/ـه .. قـويه صـح ..؟

//



الســـلام عليكم ورحمة الله وبركاته ..




بصراحه فيه موضوع شدني واحنـا غافلين عنه من جد ..



ما تلاحظون إن كلمـة [ يلعـن أمـك ] إنتشرت إنتشار غريـب و مريب ..


وصار اللي يقولها عــااادي جـدآ .. كانه قايـل [ السـلام عليكم ] ..!



و الأغرب إن اللي تنقـال له عـادي عنده ..!!



كيـف ترضى على أمك ؟! و ليش ؟!








بعض الشبـاب ’و حتى بعض البنـات’ اللحين بالعكس صارت عندهم يلعـن أمـك مدحه ..!!



أو هذا تعبير عن الحماس في سالفـةٍ مـا !




×







مثـلآ ..



يجي واحد يقول : والله أمس سويت كذا وسويت كذا ..



يجي الثاني يقول : يلعـن أمـك ياشيخ ..!!



و إذا قال لـه [ يلعـن أمـك ] مـدّ هالخشه شبرين كأنه قايل له شعر يمدحه ..!







و إلاّ بعض الشبـاب .. واحد يسأل الثـاني : وش رايك باللاعب الفلاني ..؟



يقول : يلعـن أمممممممممه يلعـب من جد ..!



طيب أبي أفهـم .. وش دخل أمــه بالموضوع ..؟!






للأسف الشديد إن الكلمـة هذي منتشره عندنا إنتشار كبيـر ..



و الآن حاصله مع الشباب في جلساتهم ..







د: وينك أمس يلعـن أمـك ؟



خ : أبد رحت مع فلان الله يلعـن أمه .



د: ليه ماقلتلي إنك بتروح معه الله يلـعن أمـك أنت ويّاه ؟



خ: وش دراني إنك بتروح يلعـن أمك !



د: ههههههههههههههههه .



خ: هههههههههااااااااي .






ولاَ كأنه صار شي ...!!



×





وللأسف إنها تقريبـآ أكثر كلمـة تنقال هالأيام ..



وكم واحد تسأله عن هالكلمه .. بيقول لك : صارت عاده ..!



هذا جـواب أبـيخ من الفعل ..



مافيه شي تتعود عليه وإنت تدري انـه موب زين ولا تقدر تخليه ..!



يمكن إنت تغفـل أو تـتـغـافل عن الذنب اللي تحصلـه من هالكلمـة ..!



بس لا تنسى و إنت تقول هالكلمـة أنك تسوي شيء من الكبــائـر ..



أنت تخيلت معي ..؟!



كبـائـر الذنـوب ..!!



صحّ عنه صلى الله عليه وسلم أنه قال : { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .



×





وش رآيكـم ..؟



وش الحل لهذي المشكلـة الخطيرة ..؟



//






كل الـــــــــــــود لكم أحبتــــي

بــنــت الضيــــــآآآغــم
شـكــ وبارك الله فيك ـــرا لك ... لك مني أجمل تحية

يعطيك العافيه أختي بنت الضياغم على الموضوع

وبصراحه انها مشكله ومشكله كبيره الله يهدي من يقولها

من شباب ومن فتيات

ودمتي بود

فعلاً ملاحظه في محلها

ومنتشره للأسف بشكل قوي بين الشباب

مشكوره بنت الضياغم على هذه الملاحظه والتنبيه

الاخت بنت الضياااااااغم

بارك الله فيك اختي الفاضله على هذا الموضوع

نعم هذه الكلمه اصبحت دارجه بين الشباب وكأنها

ابسط من عاديه بل يتباها من يستخدمها بلفظ التهويل

وترديد الشيء بكثره هو الذي يجعله مستساق بين الناس

ولكن لو قوبل هذا المصطلح بالرفض والتنبيه من قبل اولياء

الامور اولا ومن قبل من تتوجه له هذه الكلمه من الذين لايرغبون

سماعها لجمت وتلاشت ولكن الان حتى الشخص الذي لايحبذ سماعها

يستحي ان يرد على قائلها له بالتوبخ او بالنكران وذلك لكثرة ترديدها

على مسامعه بين الاخرين وهم يستقبلونها بأستحسان

لذا يتوجب علينا جميعا التنبيه والنصح الى كل من يستخدم هذه الكلمه

سواء وجهت له او امامه ولكن بلطف ومناصحه سريه

شكرا لك على هذا الطرح والتنبيه

دمتي بود

اختي العزيزة بنت الضياغم
جزاك الله الف خير
على الطرح المميز
والاطراء الجميل
تقبلي مروري
ودمتي بود

كلمه ترتد على قائلها والعن والشتم ليس من شيم المسلمين

بدرالدين العفو أخوي

مشكور ع تواجدك

نواف الشريهي اللهم آمين الله يهدي الجميع يارب

شرفت ياذووق

أبو عبدالله الشمري

هلابك هلا ومشكور ع مرورك